20 leerlinge in hof ná geweld

Argieffoto

Argieffoto

Die 20 hoërskoolleerders wat Maandag in hegtenis geneem is nadat hulle van hul mede-skoliere met klippe bestook het tydens ʼn gewelddadige betoging, het in die hof verskyn.

Maroela Media het vroeër berig die polisie se taktiese reaksie- en honde-eenheid is na ʼn betoging in Weenen, KwaZulu-Natal, ontbied nadat ʼn groep skoliere gewelddadig geraak het.

Lt. Nqobile Gwala, woordvoerder van die polisie, het gesê die leerders, tussen 15 en 19 jaar oud, het in die hof verskyn en 13 van hulle bly in aanhouding. “Vyf leerders is in die sorg van hul ouers vrygelaat terwyl die ander twee is na plekke van veiligheid geneem.”

Gwala het gesê die leerders sal weer Maandag in die hof verskyn wanneer die 13 wat in aanhouding is om borgtog sal aansoek doen. Die leerlinge is in hegtenis geneem op aanklagte van openbare geweld.

“Die groep is glo uit ʼn plaaslike hoërskool geskors oor hul ontwrigtende gedrag en het in ʼn groep voor die skool saamgedrom om ander skoliere te verhoed om skool by te woon,” het Gwala vroeër gesê. “Die groep het die ander leerders met klippe bestook en hulle gedreig.” Sy het gesê twee busse, talle vensters van die skoolgebou en ʼn paar vensters van nabygeleë huise is deur die betogers beskadig.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

11 Kommentare

jongste oudste gewildste
Scalla

Lyfstraf moet gegee word, sal hul ore oopmaak,

Pieter dp

Net jamerlik lyfstraf is af ge stel. So n paar hale oor die sitvlak verig wondere.

Johann

Aggasiestowg. Helle hes sekere nouw disatvaantidged…of rasisme gaan weer aanghaal word?

Willie

Waar is die ou dae se Polisie rottang… in sout gele… oopkloof en die ore behoorlik oopmaak? Lyk my klipgooi is n nuwe sport sort vat sy nek uitsteek…

Tersia

Nou daar het ou Fakile sy eie Olympic team. Die kleur en alles honderd persent reg!!!