‘21 spanne soek oplossing vir e-tol’

e-tol

Argieffoto

Gautengers kan glo daarvan verseker wees dat die regering aandag skenk aan die ongewilde e-tolstelsel in dié provinsie.

David Makhura, premier van Gauteng, het inwoners Maandag verseker dat e-tol aandag van die regerende party geniet. “Terwyl die gebruikersbetaalbeginsel nié bevraagteken word nie, is dit duidelik dat e-tol lewenskoste verhoog en dus onvolhoubaar is,” het Makhura gesê.

Hy beweer 21 regeringspanne is tans hard aan die werk om ʼn oplossing vir die e-tolsituasie te vind.

“Pres. Ramaphosa het my pas weereens gerus gestel dat die oplossing van die e-tolsaak een van die kwessies is wat sy dringende aandag geniet,” sê Makhura.

Dit is geen geheim dat Makhura nié ten gunste van die e-tolstelsel is nie. Die premier en sy mede-ANC-leiers in die provinsie het verlede jaar aan ’n optog na die Uniegebou in Pretoria deelgeneem in protes teen dié stelsel.

Hy het ten tyde van dié betoging gesê dat e-tol nié in Gauteng welkom is solank die regerende party in beheer is nie.

Electronic Tolling Collection (ETC) het in Januarie vanjaar ontken dat die Gautengse e-tolkontrak by die Suid-Afrikaanse Nasionale Padagentskap (Sanral) hernu is, soos beweer deur die DA se Solly Msimanga. Die ETC het beweer die kontrak is bloot verleng en nié hernu nie, in ooreenstemming met die bepalings van die kontrak wat in 2009 tussen die partye aangegaan is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Hoe nou...

Hoekom nog spanne aanstel? Ek het die oplossing….skrap dit en beweeg aan.

Ed

Laat net die blankets betaal soos gewoonlik, Hulle het die pad immers gebou. Vat sommer die plase langs die pad ook, moet net nie sleg voel nie. Dit kom die ANC en EFF toe, Hulle het mos hard gebou aan n “vooruitstrewende” RSA

Ed

Laat net die blankes betaal soos gewoonlik, Hulle het die pad immers gebou. Vat sommer die plase langs die pad ook, moet net nie sleg voel nie. Dit kom die ANC en EFF toe, Hulle het mos hard gebou aan n “vooruitstrewende” RSA

Willem

Gaan 21 spanne goedkoper en beter wees as een?

ne

En wie gaan die uitstaande skuld betaal???