217 Kubaanse dokters kom in SA aan

Mediese professionele persone van Kuba kom in Suid-Afrika aan (Foto: Elmond Jiyane/GCIS)

Pres. Cyril Ramaphosa het 217 mediese professionele persone van Kuba verwelkom wat Maandag in Suid-Afrika aangekom het om die land te help in die stryd teen die Covid-19-pandemie.

Ramaphosa het vroeër pres. Díaz Canel Bermúdez versoek om die mediese professionele persone na Suid-Afrika te stuur.

Die groep bestaan uit die volgende:
– kenners in epidemiologie, biostatistiek en openbare gesondheid;
– familiedokters om leiding te gee in deur-tot-deur-toetsing en om plaaslike gesondheidswerkers by te staan op gemeenskapsvlak;
– gesondheidsorgtegnologie-ingenieurs om bystand te lewer om die inventaris en ontplooiing by te werk en verouderde mediese toerusting te herstel; en
– kenners wat tegniese bystand kan lewer in samewerking met plaaslike kenners.

“In 2019 het Suid-Afrika en Kuba 25 jaar van gemeenskaplike voordelige diplomatieke betrekkinge en konstruktiewe samewerking gevier,” het die president in ʼn verklaring gesê. “Die SA-Kuba-ooreenkoms van samewerking in openbare gesondheid en mediese wetenskappe het baie suksesse behaal. Ongeveer 732 Suid-Afrikaners, hoofsaaklik van voorheen benadeelde gemeenskappe, het hul eerste vyf jaar van mediese opleiding in Kuba voltooi en as dokters gekwalifiseer sedert die Nelson Mandela/Fidel Castro- mediese opleidingsprogram in 1997 bekendgestel is. Talle ander ontvang steeds opleiding in Kuba en sal ook in die volgende paar jaar noodsaaklike primêre gesondheidsorgdienste aan hul plaaslike gemeenskappe lewer.”

Dr. Naledi Pandor, minister van internasionale betrekkinge en samewerking, het ook haar dankbaarheid en waardering uitgespreek vir Kuba se “solidariteit en vinnige reaksie op ons versoek om ʼn multi-dissiplinêre span kenners en gesondheidsorgpersoneel te stuur om saam met ons Suid-Afrikaanse professionele span te werk in reaksie op Covid-19”.

Pandor het gesê mediese professionele persone van Kuba is tydens die Covid-19-pandemie reeds na 21 lande ontplooi.

Altesaam 1 369 gevalle van Covid-19 is reeds in Kuba aangemeld met minstens 54 sterftes.

Wil jy op die hoogte bly van alle nuus oor Covid-19 op Maroela Media? Klik hier om in te teken op ʼn daaglikse nuusbrief.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

37 Kommentare

jongste oudste gewildste
Michael 1

Hierdie is n skande ,wit en bruin suid afrikaners word gekeer om medies te swat weens die regering se diskriminerende kwotas beleid ,nou word dokters ingevoer wat meestal nie eers die engelse taal magtig is nie ,en die belasting betalers wat die minderhede insluit moet betaal hiervoor.

Oom Hennie Pennie

Kuba? Waar is ons Suid Afrikaanse dokters?

Pierre

Hier Kom die kommuniste

Anton

Hulle ook eers in isolasie geplaas?

Willem

Hoop die wat so ophef van die ANC en dy ministers maak hulle voel vere vir julle..