24 sterf in ongeluk by Tzaneen

Altesame 24 mense in die minibussie is dood. (Foto: verskaf)

Altesame 24 mense is Sondagaand dood in ʼn ongeluk op die R81 tussen Mooketsi en Giyani in Limpopo.

Kol. Moatshe Ngoepe, polisiewoordvoerder in Limpopo, het gesê die ongeluk het omstreeks 22:00 buite Tzaneen in Modjadjiskloof plaasgevind.

Na bewering was ʼn passasiersbus uit die rigting van Giyani en ʼn minibussie uit die rigting van Mooketsi op pad toe dit reg van voor gebots het, het Ngoepe gesê.

24 passasiers in die minibussie is op die toneel dood. Nog ʼn persoon is in ʼn bedenklike toestand en is na ʼn hospitaal geneem.

“Die bestuurder en twee passasiers in die bus is ernstig beseer en is ook na ʼn hospitaal vir behandeling geneem,” het Ngoepe gesê.

Volgens hom moet die slagoffers nog geïdentifiseer word. Die polisie ondersoek intussen ʼn saak van strafbare manslag. Die oorsaak van die ongeluk vorm deel van die ondersoek.

Die waarnemende polisiehoof in Limpopo, genl.maj. Jan Scheepers het sy medelye met die familie van die slagoffers betuig en gesê die polisie sal alles moontlik doen om die oorsaak van die dodelike ongeluk te bepaal.

Maroela Media het vroeër berig verskeie mense is reeds die afgelope langnaweek op die land se paaie dood.

Die minister van vervoer, Fikile Mbalula, het motoriste ook gemaan om verkeersreëls te gehoorsaam.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

39 Kommentare

jongste oudste gewildste
Antoon

Ek sien die Minister het almal gemaan om tog die verkeersreels te gehoorsaam.
Laat ek die eerste wees om die Minister hartlik te bedank vir sy diep insig en kragdadige optrede. Ek voel heeltemal oortuig dat die probleem nou opgelos is

Chris Ws

24 in ‘n minibus taxi?Dis oorlaai gewees so die eienaar moet voor stok gekry word.Die bestuurder is dood so hy is uit die prentjie uit.

Susan

Hoe op dees aarde pas 24 mense in ‘n minibus “taxi”?
Dit is ‘n 14 sitplek voertuig. Het die drywer vasgehaak by 14 en kon nie verder tel nie? Verbaas my glad nie.

Alwyna

Nou ja toe…

fred

hier in Midrand altyd 11 mense in n ou toyota venture taxi…n egte afrika ervaring????