28-jarige vas oor ontvoering

Argieffoto

Argieffoto

ʼn 28-jarige vrou is Vrydag in die vroeë oggendure in KwaZulu-Natal in hegtenis geneem in verband met die ontvoering van ʼn ses weke oue baba.

“Die vrou is in Nkombose in hegtenis geneem nadat die polisie elke stukkie inligting van die gemeenskap opgevolg het waar die seuntjie moontlik kan wees,” het lt.kol. Thulani Zwane, woordvoerder van die polisie, gesê. “Die beamptes het deurnag gewerk om die baba en die verdagte op te spoor.”

Die baba se ma het Donderdag omstreeks 13:30 hom na ʼn kliniek geneem om ingeënt te word, toe die vrou die baba by die ma afgevat het omdat hy gehuil het. “Die vrou het die baba gesus en hy het aan die slaap geraak. Sy het aan die ma gesê sy gaan net haar sussie soek, en daarna het sy en die baba verdwyn,” het Zwane bygevoeg.

Die KwaMsane-polisie het ʼn saak van ontvoering ondersoek en die baba is langs die slapende vrou gevind. “Die baba is ongedeerd en is later aan sy ouers teruggegee.”

Die vrou sal na verwagting Maandag in die KwaMsane-landdroshof verskyn.

Bhekinkosi Langa, provinsiale polisiekommissaris, het die beamptes geloof dat hulle die baba binne ʼn paar uur gevind en die verdagte in hegtenis geneem het. Hy het ook die gemeenskap bedank vir hul samewerking om inligting te gee wat daartoe gelei het dat die babaseuntjie veilig gevind is. Hy het ouers gemaan om nooit hul kinders aan vreemdelinge te oorhandig by klinieke, binnelandse sake, taxis of ander plekke nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

KarooKlong ·

Goeie einde aan die storie te danke aan geesdriftige beamptes.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.