3 dood in skietery by Hugenote-tonnel

Argieffoto

Die Onafhanklike Polisieondersoekdirektoraat (Opod) ondersoek ʼn voorval waarin drie mans Dinsdagmiddag in die omgewing van die Hugenote-tonnel in die Wes-Kaap doodgeskiet is.

Sontaga Seisa, woordvoerder van Opod, sê in ʼn verklaring die skietery het omstreeks 14:30 uitgebreek.

Dít volg nadat die polisie se spesiale taakmag inligting ontvang het van ʼn verdagte bussie met 11 insittendes wat op die N1 Suid naby die Paarl reis. Luidens die inligting was dié insittendes in besit van kontant wat onlangs tydens ʼn transitorooftog in die Oos-Kaap gesteel is. Die polisie het toe op die inligting gereageer en die bussie agternagesit waarna ʼn skietery tussen die polisiebeamptes en die insittendes van die bussie in die omgewing van die tonnel uitgebreek het.

Volgens Seisa is twee van die insittendes tydens die skietery doodgeskiet en drie ander gewond. Die beseerdes is na ʼn hospitaal gehaas waar een van hulle aan sy beserings beswyk het.

Ses van die insittendes was ongedeerd en is op die plek in hegtenis geneem. Die polisiebeamptes kon ook daarin slaag om beslag op die gesteelde kontant te lê, sê Seisa.

Die oorledenes is in dié stadium nog nie geïdentifiseer nie. Die ondersoek duur voort.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

21 Kommentare

jongste oudste gewildste
Kraaibakke

Hoekom gaan sekere komentaar deur ,te partydig?

Michael P

Mense ek bly na aan die tonnel is ons land nou n land wat in oorlog is.Dit begin nou totaal en al hand uit ruk.Dit raak nou n baie groot WORRY!!!!

Scalla

Hoekom die skuldiges haas na mediese sorg, laat hul n pynlike lyding hê.

sannie

Genade maar jy is wreed en bloeddorstig Scalla

Tinus Coetzee

Uiteindelik doen die SAPD iets wat lof verdien.
Dan moet mens ook nie uit die prentjie verloor dat daar heelwat in hegtenis names is na plaasaanvalle die laaste tyd. Dalk is dit so dat die wat gearresteer word nie in opdrag van die regering opgetree het nie.