30 000 sê nee vir NGV

Argieffoto (Foto: DarkoStojanovic, Pixabay)

Die Instituut vir Rasseverhoudinge (IRV) het Vrydag die name van 30 000 Suid-Afrikaners by die parlement ingedien as deel van sy veldtog teen die Nasionale Gesondheidsversekering (NGV).

Die 30 000 mense is almal gekant teen die voorgestelde NGV in sy huidige vorm en ondersteun die IRV se alternatiewe voorstel om Suid-Afrika se gesondheidsorgkrisis te probeer oplos.

Marius Roodt, veldtogbestuurder van die IRV, het gesê die NGV in sy huidige formaat is onbekostigbaar en sal tot ʼn uittog van gesondheidsorgwerkers lei, wat sal beteken dat daar selfs minder gesondheidsorg vir alle Suid-Afrikaners is.

“Ons sal op ʼn gereelde basis na die parlement kom tot en met 11 Oktober om Suid-Afrikaners se teenstand teen die NGV te opper. Ons wil vir politici wys hoe min vertroue die publiek in die regering se vermoë het om kwaliteit gesondheidsorg vir alle Suid-Afrikaners te bied.”

Die IRV se voorstel is vir verhoogde vennootskappe tussen die private en openbare gesondheidsorgstelsels. Kaderontplooiing moet beëindig word en daar moet streng verantwoordbaarheid vir swak prestasie wees.

“Die IRV vra ook vir meer toegang tot private gesondheidsorg deur laekoste mediese skemas en primêre gesondheidsversekering toe te laat. Dit moet ook oorweeg word om werkende mense te verplig om aan ʼn mediese skema te behoort.

“Dit sal help om die risiko vir private versekeraars te versprei, en mense met ʼn laer inkomste kan deur hul werkgewers gesubsidieer word, wat op hul beurt belastingverligting sou kry. Die gebruik van koepons moet ook oorweeg word.”

Roodt het gesê die IRV sal ook ʼn voorlegging oor die NGV aan die parlement doen voor 11 Oktober.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

39 Kommentare

Linda Terblanche ·

NEE NEE NEE Dit sal n ramp vir die gesondheidstelsel wees

Arie ·

Niks waar die staat ‘n rol speel werk nie, is hulle werklik so dom dat hulle dit nie kan sien nie???

Nel ·

Hoeveel petisies oor grondhervorming is nie aan die president gestuur nie, hoeveel debatte is nie in die parlement daaroor gevoer nie en wat is daarmee bereik, net mooi NIKS nie. Die ANC is op ‘n koers/missie en ek betwyfel dit sterk of hulle oop is vir oorreding.

Kootjie ·

Die ANC wil baie gou ‘n komunistiese regering op die been bring…… en ons moet hand en tand daarteen veg!! Keer moet ons hulle!! Op enige manier moontlik!!

De Villiers ·

@kootjie, die ANC is dan kommunisties georiënteerd. Ons is al van 1994 onder ń kommunistiese bestel. Al hul oortuigings is kommunisties/sosialisties. Dis hoekom die land in so ń toestand is.

piper ·

grond onteiening kan makliker plaasvind want dit kos nie geld nie. NGV gaan baie geld kos en sal dus moeiliker ingestel kan word.

Pieter en Barbara du Plooy ·

Beslis nee. Soos dit staan, vrek mense op hope van ons onder standaard medies vir almal in ons staats hospitale. Ons parlements mense kry mediese behandeling oorsee, so die bietjie ordentlike mediese behandelong wil hille ook wegneem. Dit is my demokratiese reg om die beste mediese behandeling te kry wat ek kan bekostig. Wat is fout daarmee. Ek is nie afhanklik van die staat om na my mediese behandeling te betaal nie so hulle kan my nie forseer om sub standaard mediese te kry wat hulle voorstel nie. Wat is demokraties daaraan?

Johan ·

Not even in “first world countries” – ask people in the USA/UK !!

Kallie ·

Ondersteun eerder die VVA se referenfum om af te stig van SA. Dit sal meer bereik. SA kan Kaapstad maar hou. Dis ‘n misdaadnes.

bambi ·

Maatkappye wat nie eers behoorlike salarisse kan betaal nie sal beslis nie nog n subsidie gee nie!! Mense besef nie hoeveel werkers sonder pensioen; medies of bonusse werk net om te oorleef nie. Dis n basic human right to have access to proper health care; maar sommige besighede maak eerder hul eie beursies vol en misbruik werkers.

Jantru ·

Bambi,
Besit jy n besigheid? Of is jy die een wat misbruik word?

Naamloos ·

Ek stem met jou saam Bambi! Werknemers word absoluut ge-abuse en die laagste salarisse moontlik word betaal, en werkgewers glad nie geinteresseerd in jou probleme vir hulp met medies nie! Die Regering moet eerder die staatshospitale opgradeer en ophou karring met NGV, hulle kan nie eers DIT wat hulle het en wat op ‘n skinkbord aan hulle oorhandig is, ‘n sukses van maak nie!

John ·

Die Kubaanse mediese-patroon wil gevolg word en nie net dit nie, Kuba het sekere ANC-toplede in sy sak. Hiervolgens word Kubaanse dokters in die buiteland ontplooi, soos die migrante-werkers van ander Afrika-lande om buitelandse inkomste te genereer vir die tuisfront… ook baie soos ons tuislande en satelietstate doen. Ons medici gaan uitgedruk word en Kubaanse/Oosterse dokters gaan die eerste linie van besoeke hanteer om die geldjies in. Niks op aarde gaan hierdie plan vir selfvernietiging, wat op ace wag, keer nie.

Jimmy ·

Nog erger, medikasie, toerusting en tegnici sal ook van Kuba ingebring word. Ons gaan mildelik bydra tot hul ekonomie en eventueel totaal afhanklik wees van die eiland. ‘n Nuwe soort kaping steek sy kop uit.

Pottie ·

Die anc steur hom in elk geval nie aan ons blankes nie hulle land en ons belasting geld hulle weet ons maak maar net n geraas hulle gaan hierdie land plunder tot daar van hom niks oor is nie gaan kyk maar na ons buurlande

Johanna Botha ·

Ek se ook NEEEE ! Die toets fase het ook al gewys dit werk nie ! Hoekom iets gaan studeer of hard werk as alles dan dieselfde is vir almal …..HOEKOM ?

Dis Nou ·

Ons moet nou saam staan soos nog nooit te vore. Te hel met NGV en hou julle pote uit ons pensioen fonds ook

Muffin ·

30 000 stemme is nie eens n druppel in die emmer nie. Daar kort nog n hele paar miljoen stemme om dalk iets aan die probleem te doen.

Bessie ·

Waarom nog net 30 000 mense? Dit is die probleem met ons belastingbetalers, iemand anders moet maar protesteer. Ons kla maar eerder langs ons braaivleis vure.

Johan ·

Wat beslis sal gebeur is dat die voormalige privaat hospitale nou so oorstroom sal word, dat jy selfs in ‘n noodgeval gelukkig sal wees om ‘n hospitaalpasiënt in ‘n hospitaal naby jou te word. Jy sal moet inry na die staatshospitaal by die township want hulle gewese pasiënte gaan die ander hospitale oorneem.

Frik ·

Die voormalige private hospitale sal verval en later oorgeneem word deur haweloses. Die staat sal die geboue nie kan onderhou nie en apartheid blameer.

Christien vd Westhuizen ·

NEE DIT GAAN N RAMP EN DIE GROOTSTE TSOENAMIE TER WERELD WEES NEE NEE

Druppel ·

Nog ‘n druppeltjie in die emmer wat die Tsunami nie gaan stop nie. Ons emigreer

Pierre ·

In ‘n bevoliking van omtrent 50 M beteken 30 000 absoluut niks

Ella ·

En 30 miljoen sê Ja.
Die peiling beteken niks vir die regering

Domastrant ·

Nie eers 30 miljoen stemme sal hierdie skepsels van hulle gedoemde planne laat afsien nie.

Nelia van Zyl ·

Stem saam met Domastrant. Ons sê almal NEE, maar hulle stoomroller net voort.

Kriekie ·

Ek het nou net gaan kyk en net op daardie forum is al amper 49 000 stemme, 99% daarvan teen die nuwe plan. Waar kom hulle aan 30 000? Dis in elk geval nog steeds nie oortuigend nie want dit is n klein persentasie van die bevolking. Dié wat dit ondersteun is die “down and outs” en gebreinspoelde massas wat nie al die feite het nie.

Oom Jaco ·

Selfs al kry ons 3 miljoen handtekeninge, sal dit nie genoeg wees nie. Poep teen die wind…

Gert van Wierdapark ·

NGV (Niks Gaan Voort of dalk Niks Gaan V(f)out). Nes die Vrede Melkplaas-projek, het die Soustrein kaders VREDE met die negatiewe Impak wat die NGV SAL he! Dit kan in dieselfde lig gesien word as ‘n Taxi wat op n sperstreep teen n opdraende n konvooi vragmotor probeer verbysteek. As die “Manuel” besluit eers geneem is, kan daar skynbaar mos nie in gesien word om dit NIE te PROBEER doen nie!!!!

Dries ·

My seun en sy gesin woon in Australië waar daar ook ‘n staatsgesondheidskema bestaan. As jy van die staatskema gebruik maak word pasiënte soos deur ‘n worsmasjien deurgedruk sonder ‘n behoorlike ondersoek en/of behandeling. Gaan jy na ‘n private dokter wag jy maande vir ‘n afspraak.
Die stelsel kan in elk geval nie in Suid-Afrika slaag nie. Afgesien daarvan dat daar nie geld daarvoor is nie, is ons werketiek net eenvoudig te laag om dit te laat slaag. Die proeflopies het dit mos bewys.

PATTY ·

Die eerbare buur president, Mugabe, is nie eens in sy eie land behandel nie. Sterf in n ander land omdat sy eie land se mediese nie op standaard is nie. Maar nee ons geagte ministers en kie wil nie hoor en sien nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.