Ace Magashule, sekretaris-generaal van die ANC. (Foto: Twitter)
Ace Magashule, beleërde sekretaris-generaal van die ANC, het 30 dae grasie om opsy te staan, of hy sal ingevolge ʼn ANC-resolusie geskors word.
Pule Mabe, woordvoerder van die ANC, het Maandagaand na afloop van die party se NUK-vergadering opnuut gesê alle lede wat “van korrupsie of ander ernstige misdade aangekla word”, moet die tuig binne 30 dae neerlê.
Magashule – en 15 medebeskuldigdes – staan tereg op verskeie aanklagte, waaronder bedrog, diefstal, korrupsie en geldwassery. Die saak teen hulle word in Augustus vanjaar in die hooggeregshof in Bloemfontein voortgesit.
Die aanklagte teen die sogenaamde asbes-beskuldigdes spruit uit ʼn R255 miljoen-kontrak om ʼn asbes-oudit in die Vrystaat te doen en asbesdakke van huise in die provinsie te vervang. Uiteindelik is nie ʼn enkele dak vervang nie.
Magashule was in daardie tyd die Vrystaatse premier.
“Die vergadering het benadruk dat die 30-dae-tydperk vir die inwerkingstelling van die besluit in ooreenstemming met die riglyne is; nié om die besluit te hersien nie,” sê Mabe.
Die NUK het ook ooreengekom dat die provinsiale voorsitters en sekretarisse met nasionale amptenare in hierdie tyd sal vergader om die riglyne verdere te verfyn om te verseker die ANC-resolusie doeltreffend en prakties in werking gestel kan word.
Die kantoor van die sekretaris-generaal sal saam met die provinsies werk om almal wat deur die besluit geraak word daaroor in te lig, sê Mabe.
“Die NUK het Magashule se besluit om die tyd te gebruik om die raad van oudleiers van die beweging te vra, verwelkom.
“Die NUK het ʼn beroep op alle ANC-lede gedoen om die besluit te steun en nie betrokke te raak by enige optrede van swak dissipline nie, insluitend deur die gebruik van openbare verklarings wat die inwerkingstelling van die konferensie se resolusie ondermyn,” sê Mabe.
Daar is reeds geruime tyd druk op Magashule om opsy te staan. Tydens sy hofverskyning verlede maand het hy, in antwoord op ʼn vraag of hy wel gaan gehoor gee aan oproepe om opsy te staan, geantwoord dat “onskuld in die hof bewys word”.
Daar heers groot verdeeldheid in die ANC tussen die sogenaamde hervormingsfaksie van pres. Cyril Ramaphosa en die radikale ekonomiese transformasie-faksie (RET) van Magashule.
Die NUK het egter ooreengekom dat geen ANC-lid hom behoort te assosieer of betrokke te raak by “die sogenaamde RET-magte nie. Voorts gaan die NUK nie enige lid of ANC-personeellid toelaat om die hulpbronne en perseel van die ANC te gebruik vir ʼn vergadering van die RET of enige ander faksie nie”.
So ons het nog net n paar dae voor dit soos Mosambiek lyk.
So bly dit maar net ons skuld.
Watch this space…… Die man is soos ‘n neut en gaan nie sonder’n geveg net terugstaan nie. Ek dink die poppe gaan dans en die ANC raak meer verdeeld onder mekaar
‘n Meer verdeelde cANCer beteken ‘n gouer opgebreekte ANC – & dis baie goeie nuus & ‘n pluspunt vir demokrasie.
Nie as dit beteken die een faksie beweeg al nader aan die radikale ideologie van die EFF nie, wat reeds eksponesieel in steun gegroei het tydens die vorige verkiesing
Die een faksie gaan net oorloop na die eff en dan gaan ons maar weer sukkel.
Stem heeltemal saam.
Kan hy en die hele anc asb net “verdamp”
Die Rampokker gaan nie sonder n geveg opgee nie… Ek sien swaar tye kom… Hy is n groot Kopseer vir die ANC, en soos n Mafia Baas…
Mag Ace die voorloper wees, gevolg deur alle ander korrupte ANC leiers!!! Dis tyd dat die ANC begin verantwoordelikheid vat vir die gemors waarin hulle die land bestuur het.
Ek stem, daai eerste een moet net val en die ys breek. Hy trek die res saam hom af
Wil dit nog sien en sy kantoor moet die administrasie doen
Hy gaan weer by Zuma tee drink
Een ding is srker o dien hierdie man wem dit ons in
die …jy weet wzt
?????????
Hulle wil net tyd wen en hoop die probleem verdwyn.
Ek wonder net watter raad Zuma hom sal gee. Ek weet dit sal nie in belang van SA wees nie.
Hierdie mense is baie skelm en slinks.
Indien die reël streng toegepas word gaan daar geen politikus oorbly in die ANC nie. Wie gaan dan die land regeer?
Maar die 30 dae is eintlik mos al lankal verby
Sal die hof my ook 30 dae grasie gee voordat ek in die hof moet verskyn? Dis belaglik en nog makliker vir CR om hierdie aankondiging te maak. SA is n land van rampokkery en wetteloosheid. Nie een van hierdie maters sal ooit in n oranjepak verskyn nie.
Wonder wat die ancestors te sê gaan hê
30 dae of liewer nou 29 dae. Ons begin die dae aftel. Ons hou nie asem op nie. Ons ken die ANC en sy kaders. Wat van Zwane en die hordes ander. Van wie praat hulle
Ek sou dit eerder “40 days” gemaak het. Dit het meer betekenis.
Sien is glo! Hierdie is net weer om die oë te verblind van ons land se inwoners, alles is haarfyn voor die tyd beplan. Moeilikheid sal ons hê tot God ingryp.
Hy moet nie net verwyder word nje !!!!!!! Saam met Zuma en al hulle samesweerders in die tronk gesmyt word.
Die ANC het te veel NUKke en grille en moet liewer die stryd gewonne gee.
Om so ‘geskors’ te word deur die ANC is eintlik ‘n lekker laaaang vakansie teen volle betaling en perks… dan nie? Mijarde word so aan die stouters uitbetaal wat sake laat draal en draal en niks gebeur verder nie. Ons sit juis met ‘n president wat seker al ‘n handlyding kan uitgegee genaamd: ‘Hoe om…’