300 onderwysers druip graad 3-Engels-toets

skool-21.jpeg

Argieffoto

Die departement van basiese onderwys (DBE) sal opleiding gee aan 300 laerskoolonderwysers wat ʼn graad 3-Engels-toets gedruip het.

Elijah Mhlanga, woordvoerder van die departement, het gesê die toets is aan onderwysers in die Wes-Kaap, Oos-Kaap en KwaZulu-Natal gegee as deel van ʼn navorsingprojek deur die Zenex Stigting. Die navorsingsverslag het getoon dat die onderwysers, wat graad 1- tot 3-leerders onderrig, se Engelse taalvermoëns gelykstaande aan of swakker is as dié van ʼn graad 3-leerder.

“Die uitslag van die navorsing is vir die departement kommerwekkend, maar ons verwelkom dit ook,” het Mhlanga gesê. “Die navorsing het presies gaan uitwys waar die probleme lê en wat gedoen moet word om dit aan te pak. Dit baan dus vir ons die weg vorentoe wat die opleiding betref wat aan die onderwysers gegee moet word.”

Hy het beklemtoon dat Engels nie die huistaal van baie van die onderwysers is nie.

Mhlanga het gesê die navorsing deur Zenex is ʼn deurlopende projek wat in verskillende fases gedoen word en dus sal nog onderwysers se taalvermoëns in die nabye toekoms getoets word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

58 Kommentare

jongste oudste gewildste
T-man

Ek wonder net hoe verwelkom iemand iets wat kommerwekkend is… hoe regverdig jy ook iets om te se dit is nie hulle huistaal nie… as jy in ‘n pos aangestel word dan moet jy sorg dat jy die veld ken en self verstaan en jouself heeltyd op hoogte hou met ontwikkelinge, veral as jy n onderwyser is! dit is belaglik om die minste te se. Ek dink die departement moet eerder inkyk op hierdie 300 onderwysers se kwalifikasies….

Jan maak n Plan

Ja en dan wonder die regering hoekom die arme kinders nie deurkom op skool nie.

Eli

Stomgeslaan is ek nou!!
Ok nee wag eintlik ook nie…ons President sou hom ook gedruip het of is dit nou gedop het?!

Bella

The blind leading the blind?

Jo

he-he-he, tipies, pateties verby!!!