32 skoolkinders is Maandag in KwaZulu-Natal beseer nadat twee busse en ʼn voertuig op die R102-pad naby Stanger gebots het.
“Gelukkig het die kinders nie ernstige beserings opgedoen nie,” het Robert Mckenzie, ʼn woordvoerder van die provinsie se nooddienste gesê.
Die kinders is op die toneel behandel en na verskeie hospitale geneem vir verdere behandeling en waarneming.
Die oorsaak van die ongeluk is nog nie bekend nie. – SAPA