34 000 leerders in Gauteng moet nog geplaas word

Panyaza Lesufi, LUR vir onderwys in Gauteng. (Foto: Mia Slabbert)

Die LUR vir onderwys in Gauteng, Panyaza Lesufi, sê hy is vol vertroue dat die departement die agterstand met die plasing van voornemende graad 1- en graad 8-leerders by skole in die provinsie spoedig gaan inhaal. Hy het ook onderneem dat dat élke leerder ‘n plek sal kry.

34 000 leerders is nog nie geplaas nie. Hiervan is 13 000 in graad 1 en 21 000 in graad 8.

Die Gautengse departement van onderwys het die spertyd vir die plasing van dié leerders reeds tot 30 November verleng.

Chaos het ook Sondag by van die departement se streekkantore ontstaan. Beamptes is aangerand en toerusting en geboue beskadig toe gefrustreerde ouers na die kantore opgeruk het in ʼn poging om plasing vir hul kinders te verseker.

Die getal leerders wat reeds geplaas is, staan nou op 241 806, oftewel 85,5% van die totale getal aansoeke wat ontvang is. Hiervan is 131 383 plasings vir graad 1’s gedoen en 110 423 vir voornemende graad 8’s. Altesaam 310 350 aansoeke is ontvang.  Die departement het gesê hy is bewus daarvan dat 34 553 leerders (12,2%) se ouers nog nie ʼn aanbod vir plasing gekry het nie en dat daar diegene is wie se aansoekstatus al ʼn geruime tyd hangende is. “Die departement vra om verskoning hiervoor en onderneem om dié leerders te plaas. Ouers in dié situasie sal SMS-aanbiedinge ontvang. Ouers word ook gevra om die aanbod binne sewe dae van ontvangs van die hand te wys of te aanvaar. Indien nie, word dit verbeur,” het die departement in ʼn verklaring gesê.

Teen vandag het 391 Gautengse skole reeds hul kapasiteit bereik. Dié skole word nie meer op die aanlyn stelsel gereflekteer nie. Dit sluit in Northcliff High School, Alberton High School, Boksburg High School, Hoërskool Akasia, Rand Park High School en Hoërskool President.

Tot dusver het 6 428 nog nie gereageer op ʼn aanbod om plasing nie. Die getal ouers wat nog nie dokumente ingedien het of dit nie het nie, staan op 27 563, het die departement gesê.

“Ek is vol vertroue dat die departement die agterstand kan en sal uitwis. Ons vra weereens om verskoning vir die ongerief wat dit vir ouers veroorsaak het,” het Lesufi gesê.

Talle ouers het veral op sosiale media oor die ondoeltreffendheid van die stelsel uitgevaar.

Lesufi het gesê hy waardeer die terugvoer en dit gaan gebruik word om die aanlyn stelsel te verbeter.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Gert van Wierdapark

Gelukkig is die mini-ster van Onderwys op sy POS om verskonings uit the “spin”. Lyk asof die man en sy span rond-vallerig is met die stelsel van registrasies! Eish!

Bekommerde

Ek is inderdaad bekommerd – in die ou dae is kinders na die skool naaste aan die huis gestuur. Verder is daar vir ons tydelike asbes klaskamers opgerig – ons het dit almal oorleef anders kon ek nie nou hier geskryf het nie. My broer is amper 70 en hy leef ook nog! Verder het ons al op die verhoog(met die gordyne toe) in die skoolsaal ook skool gegaan tewyl daar ‘n ander klas in die saal was. Selfs weermag tente kan die probleem oplos. Daar moet nou net genoeg onderwysers wees vir die bloedtjies! Sterkte aan almal wat hierdie… Lees meer »

Mike

Ek dink oor 3jr sal dit 1 miljoen kinders wees. En tans is sal die ontwikkeling van infrastruktuur sloer tot dan. Kinders sal maar buite skool hou…

Basjan

Ja, ou Lesufi. Bepaal jou by die werk waarvoor jy aangestel is en los die Afrikaanse skole uit. Waar is jou visie om te sorg dat nuwe skole gebou word en nuwe onderwysers opgelei en aangestel word?

jakes

Kan hierdie mense enige iets reg doen? Beslis nie want na 25 jaar het niks verander nie behalwe die graad van onbevoegdheid en korrupsie het met 200% verhoog.