Die misdaadstoneel. (Foto: SAPD)
Die polisie in Limpopo is op die spoor van vier verdagtes nadat ’n 64-jarige man Dinsdagaand in sy huis in Louis Trichardt vermoor is.
Kol. Moatshe Ngoepe, woordvoerder van die polisie, sê in ’n verklaring Ailwei Samuel Tshifhango is tussen 17:00 en 18:00 in sy huis oorval.
Tshifhango is tydens die voorval geskiet waarna die verdagtes in twee motors,’n swart Volkswagen Jetta en wit Volkswagen Polo met onbekende registrasienommers, op die vlug geslaan het.
Volgens Ngoepe is die slagoffer na ’n hospitaal gehaas waar hy by sy aankoms dood verklaar is.
Hoewel die motief in dié stadium onduidelik is, word die moontlikheid van taxi-geweld nie uitgeskakel nie aangesien Tshifhango ’n taxi-eienaar was.
Enigiemand met inligting omtrent die voorval word versoek om kol. Nyelisani Mabatha by 082 565 8171 of Misdaad Stop by 08600 10111 te kontak.
Maak nie saak wie word vermoor nie .Lyk my dit raak n kultuur in ons land en hul vat ou mense . 5 of 6 dan is hul braaf maar aleen is hul niks