4 leeus in park vergiftig

Argieffoto ter illustrasie (Foto: designerpoint, Pixabay)

Vier leeus is Dinsdagaand in die Chameleon Village-leeupark in Hartbeespoort vergiftig.

Hennie Pio, mede-eienaar van die park, het Woensdag aan Maroela Media gesê hy en ander werknemers van die park het vanoggend omstreeks 08:00 oudergewoonte die park se heining nagegaan toe hulle op die aardige gesig van vier leeukarkasse afkom.

Verskeie gekookte hoenders is saam met die karkasse in die kamp gevind. ’n Veearts is daarna na die kamp ontbied om ’n outopsie op die hoenders asook die karkasse te doen. Daar kon toe vasgestel word dat die leeus deur middel van die hoenders die gif Two Step ingekry het.

Pio vermoed dat die leeus net ná 22:00 moes gevrek het aangesien hul gebrul omstreeks 20:00 nog gehoor kon word.

Hy vertel dat ’n buurman wat oorkant die pad woon, sowat 50 m van die park, se honde omstreeks 21:00 erg geblaf het. Die buurman se vrou het toe uit gegaan om die honde stil te maak. Pio vermoed dat boosdoeners haar in dié stadium moes gehoor het en toe laat spaander het voordat hulle die leeus se karkasse kon skend op soek na hul koppe.

Die boosdoeners se voetspore is tot by ’n kwekery langs die park gevolg waar die heining, net soos in die kamp, geknip en opgedruk is.

Pio vertel dat hy en sy vrou die vier leeus, Mumford, Mia, Isis en Thor, as welpies grootgemaak het. Hulle was tussen sewe en 11 jaar oud,” vertel hy.

“Ek het nie woorde nie. Dit was erg om op hulle af te kom, maar ek is nou besig om hulle te begrawe. Ek weet nie wat is erger nie,” sê Pio.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Wonderlike Rugbyland

Jinne, maar dit gaan lêkkerrr daar in rugbyland waar almal hoog op rugbybolle is…..

Rerig???

Wonderlike Rugbyland, ek verstaan presies wat jy bedoel. Snaaks dat mense rerig kan dink n rugby oorwinning gaan die land verander………
Die leeus se dood is baie tragies.

ANE

Soo baie JAMMER oor julle geweldkige groot verlies,. Mnr. Pio. DIS n verskriklike skok, vir my seun, ook gewees, toe hy,ook op sy 3 geliefde mak leeukinders, se geskende karkasse, afgekom het, 3 jaar gelede, hy kon nie ophou huil het, hulle was skaars n jaar oud gewees. VERGEWE ASB. die onsensitiewe DOM rugbydwase se siek kommentaar, in julle hartseer

Michael P

Jho dit is vreeslik.

Theresa

Julle moet drasties ‘n ander plan uitwerk. Een van die dae het ons geen van hierdie pragtige diere nie. Deesdae is die moetie mos nou weer die inding vir die arme diere se pote ens. Hoe walglik is dit nie. Al hierdie diere doen julle niks!