Die ongelukstoneel op die R510 naby Northam. (Foto: Verskaf)
Vier mense is dood en twee ander ernstig beseer tydens ’n ongeluk Saterdagoggend op die R510 naby Northam in Limpopo.
Mike Maringa, provinsiale woordvoerder van die departement van vervoer, sê die bestuurder van ’n Volkswagen Polo het na bewering ’n ander voertuig probeer verbysteek en teen ’n aankomende Toyota-bakkie gebots.
Die oorledenes, onder wie die bestuurder van die Volkswagen Polo, is almal op slag dood.
Die twee beseerdes is na die Amandelbult-hospitaal in Thabazimbi gehaas vir mediese behandeling.
Maringa sê roekelose bestuur en die onveilige verbysteek van ’n voertuig word as die moontlike oorsaak van die ongeluk beskou.
Sterkte vd families geraak deur die ongeluk. As mense net bietjie meer geduld wil openbaar oo die paaie kan so baie ongelukke verhoed word.
Dit laat mens wonder oor die verkeersreëls op die ongelukstoneel – soos soliede lyne?
‘n Duur prys wat betaal word deur een mens se onverskilligheid.
Die model Polo op die foto was in SA vervaardig tussen 1996 en 2003, so die voertuig is tussen 17 en 25 jaar oud. Uitgesluit die swak gedrag van bestuurders in SA is ek van mening dat van hierdie stok ou voertuie wat nie goed onderhou word een van die groot oorsake van die ongeluuke op ons paaie is.
By alles is spoed n faktor…hoe tragies is dit nie…dat mense nie besef n motor is soos n wapen as jy dit vekeerd hanteer waarborg dit vernietiging