4 sterf op N4 binne ure van mekaar

Die ongelukstoneel waar twee vroue in ‘n trompopbotsing gesterf het. (Foto: Verskaf)

Vier mense is Vrydagoggend in twee voorvalle, enkele ure uit mekaar, op die N4 tussen Malelane en Mbombela in Mpumalanga dood.

Moeti Mmusi, woordvoerder van die provinsiale departement van gemeenskapsveiligheid, het aan Maroela Media gesê twee mans is omstreeks 06:00 dood toe hulle deur ʼn vragmotor getref is terwyl hulle ʼn buiteband langs dié pad omgeruil het.

Een van die mans is op die toneel dood verklaar. Die ander man het later vanoggend in ʼn hospitaal aan sy beserings beswyk. Die bestuurder van die vragmotor is nie in die voorval beseer nie.

Hoewel dit in dié stadium nie duidelik is wat die ongeluk veroorsaak het nie, het Mmusi gesê dié spesifieke deel van die pad het baie draaie en verg meer aandag van motoriste.

Enkele ure later het twee vroue 3,5 km daarvandaan in ʼn motorongeluk omgekom toe hulle bakkie tussen 09:00 en 09:30 reg van voor teen ʼn vragmotor gebots het.

Albei vroue is op die toneel dood verklaar. Die bestuurder van die vragmotor is in dié voorval beseer.

Die vroue was Mosambiekse burgers, het Mmusi gesê.

Die oorsaak van albei voorvalle word ondersoek.

Die ongelukstoneel waar twee vroue in ‘n trompopbotsing gesterf het. (Foto: Verskaf)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Feite

Dubbel streep, rigting waarheen die trok wys…….

Skuldig aan manslag , trokbestuurder.

honoruable member

Mense bestuur soos varke op hierdie paaie en dis geen wonder dat dit so lyk op hierdie paaie nie. Geen respek vir ander nie. En wat hartseer is dis altyd onskuldiges wat hulle lewens verloor.

Ilze

Crocodile Gorge. Pragtige natuurskoon. So jammer van die ongelukke daar.

Chris Ws

Het vir familie naby Marloth Park gaan kuier en wragtig die motoriste en trokbestuurders maak nes hulle wil op daai stuk pad!Gelukkig ry ek stadig en katvoet EN net in die dag en tog moes ek mooi kyk vir die ander wat roekeloos bestuur.
Daai trok is heeltemal aan die verkeerde kant van die pad en dit by ‘n TRIPPEL spertreep gedeelte?Sluit daai drywer toe vir dubbele moord!Strafbare manslag is te lig.

Ai

Daai trok drywer moet tronk toe..×2 dubbel moordslag!!! Skudig!