411 jaar tronkstraf vir seksuele misdadigers sedert Januarie

Argieffoto

Argieffoto

Die eenheid vir gesinsgeweld, seksuele oortredings en kinderbeskerming in Klerksdorp het gesorg daarvoor dat ʼn gesamentlike 411 jaar tronkstraf reeds aan seksuele misdadigers opgelê is sedert Januarie vanjaar.

Dié gesamentlike tronkstraf is opgelê aan 47 beskuldiges en sluit 12 lewenslange vonnisse in.

Die statistiek sluit 62 verkragtingsake in. Die ouderdom van die beskuldiges is tussen 17 jaar en 59 jaar, terwyl die slagoffers tussen 4 jaar en 43 jaar oud is.

Een van die beskuldigdes is in Februarie vanjaar gevonnis tot twee keer lewenslange tronkstraf plus ʼn verdere 10 jaar.

Die provinsiale kommissaris in Noordwes, luitenant-generaal Zukiswa Mbombo, het haar lof uitgespreek. “Ons is werklik trots op dié suksesse en wil almal in die strafregstelsel en die gemeenskap bedank wat help toesien het dat wrede misdadigers suksesvol vervolg is,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.