46-jarige doodgeskiet tydens plaasaanval

Argieffoto

Die polisie in Lichtenburg, Noordwes, ondersoek ʼn saak van moord en huisroof nadat Hanno Steyn (46), ʼn boer van Hibernia-plaas, tydens ʼn plaasaanval doodgeskiet is.

“Die boer is Vrydag deur drie onbekende mans aangeval,” het kol. Emelda Setlhako, woordvoerder van die polisie, aan Maroela Media gesê.

Hanno en sy ma, Sagie Steyn (75), woon alleen op die plaas.

“Die drie aanvallers het met ʼn onbekende voertuig gery. Hulle het die seun genader, hom met vuurwapens gedreig en in die huis in gedwing,” het Setlhako bygevoeg.

Volgens die polisie se inligting het die verdagtes Sagie in die huis gevind. Hulle het die twee se hande met elektriese draad vasgebind en geld geëis. “Die oortreders het die seun in die kop geskiet en weggehardloop.”

Sagie kon uiteindelik hulp ontbied en een van die plaaswerkers het haar losgemaak en hulle het die polisie ontbied.

“Ons kan nog nie in hierdie stadium bevestig wat uit die huis gesteel is nie.”

Maroela Media verneem Hanno se pa is drie jaar gelede oorlede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

67 Kommentare

jongste oudste gewildste
Klaas

Wanneer gan ons ophou praat en iets doen omtrent hierdie plaasaanvalle.

Stella

Almal vra wat gaan ONS iets doen oor die plaasaanvalle? Maar wat kan ons doen..die “president” KAN iets daaraan doen AS hy wil..maar wil en gaan hy? Omdat dit toeneem is met die wil van hom om nie iets te doen nie,hulle weet niks gaan hulle oorkom nie,dit raak n prestasie vir hulle. Neewat ons moet bid dat die oordeelsdag vinniger moet aanbreek.

Wees Paraat

Niks anders as Plaas Terrorisme nie

Vossie

Klaas,
Ek is bevrees die antwoord is: Nooit en niks.
Ons gaan NOOIT ophou om net te praat van plaasaanvalle nie en daar gaan ook net mooi NIKS daaromtrent gedoen word nie.

Lance

Jy sit en wonder wie is volgende.Geen mens kan in so ń land bly nie.Ek kry die afrikaans sprekendes bitter jammer,hulle moet heeltyd baklei vir hulle voortbestaan of regte.