5 beseer in botsing naby Kroonstad

Een van die wrakke. (Foto: ER24)

Vyf mense is beseer, van wie een in ’n kritieke toestand is, nadat twee motors Saterdagaand op die N1-suidwaarts naby die Kroonvaal-plaza naby Kroonstad in die Vrystaat gebots het.

Russel Meiring, woordvoerder van ER24, het gesê paramedici is na die toneel ontbied waar een van die motors langs die pad aangetref is. Die ander voertuig is aan die teenoorgestelde kant van die pad aangetref.

Volgens Meiring het ’n vrou veelvuldige beserings tydens die botsing opgedoen en is in ’n kritieke toestand. Vier ander, onder wie twee kinders, het ligte beserings in die voorval opgedoen.

Volgens Meiring is die pasiënte almal op die toneel behandel voordat die vrou met ʼn helikopter na ʼn nabygeleë hospitaal gehaas is. Die ander vier beseerdes is per ambulans na hospitale geneem.

Die omstandighede rondom die voorval is in dié stadium nog onduidelik, maar die toepaslike owerhede was op die toneel om ondersoek in te stel.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

13 Kommentare

John ·

Daar is gereeld sulke ongelukke by Kroonstad. Hoekom is daar nie beter beheer en/of wysigings aan die toegangsroetes nie?

Elize ·

die afgelope langnaweek was ek na Kenton on Sea, en glo my, ek het net een keer verkeerspolisie gekry, en dit was net Nadat ek oor die Vaalrivier gegaan het, het daar n verkeersmotor langs die pad gestaan… die res van die tyd….. het hulle GESKITTER in afwesigheid

Chris Ws ·

Gelukkig bly ons van die paaie AF oor enige lang naweek en op vakansie dae en tydens skool vakansies.Dis veiliger op die plaas as op enige pad in die’ land glo my!

Cherokee ·

Somtyds Chris, is daar mans vir wie dit nie òns is nie maar èk. Wat besluit ek gaan Durban toe vir die naweek en julle gaan saam. Natuurlik sê ek nie dit is wat in die geval gebeur het nie, maar in sommige huishoudings is demokrasie soos die van Suid Afrika.

humor ·

Hoe bevoorreg is jy om n plaas te he. Hier in Namibie SWA neem ons toevlug na die horisonlose eindes van die Namib. Heerlik op niemand se eiendom .

Woestyn kind ·

Humor,
glo vir my DIT…DIE EINDELOSE SAND VAN DIE NAMIB…..IS HEMEL OP AARDE,
Ek wens ons kon deel in jou VREDE

Cherokee ·

humor, ek het male sonder tal nagte in die Namib deurgebring. Die snikhete warm woestyn in die dag met ysige koue nagte. Ek het ‘n winter in die Namib spandeer. Gate in die sand gegrawe en my met slaapsak onder sand bedek om die koue te ontsnap. En ek ken die Visrivier Canyons. Die Cherokee het ek in Keetmanshoop gaan haal.

Neels ·

Vals berig dit is nie Kroonstad nie maar wel naby Kroonvaal anderkant Koppies op di N1

smurfie ·

Glo my Neels, die meeste mense oor ons land weet nie eens waar Kroonstad is nie, wat nog te sê van Koppies. So dit maak nie regtig saak nie.

Muffin ·

Chris WF, jy se jy ry nerens en is dit veiliger op die plaas.
Dink weer daroor. Elke dag lees jy van plaasaanvalle en moorde.
Nerens us ons meer veilig nie.

Muffin ·

Cherokee ek verstaan nie presies wat jy probeer se nie. Stop die fansy wees en se jou se in plein Afrikaans

Saint ·

Verwonder myself altyd as ‘n sien hoe baie SUS en dubbelkajuit voertuie op die pad is.
Nou nadat ek die soveelste berig oor noodlottige botsings in die media lees begin dit vir my sin maak.
Die goed so groot en lomp as wat hulle dalk mag wees is net eenvoudig veiliger op die pad as die klein karretjies met die 1.2 liter enjin karretjies wat so populêr is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.