Chitra Bodasing, woordvoerder van ER24, het gesê die botsing het Maandagaand sowat 40km buite Ladysmith in die rigting van Newcastle plaasgevind. Volgens Bodasing was ʼn motor en ʼn vragmotor betrokke.
“Met paramedici se aankoms op die toneel was die erg beskadigde motor teen ʼn versperring langs die pad vasgedruk. Die bestuurder was in die motor vasgekeer. Die man, wat kritieke beserings opgedoen het, is met meganiese toerusting uit die wrak verwyder. Die kind is tussen die man en die versperring gevind. Sy is dood verklaar.”
Volgens Bodasing is ʼn vrou, wat ook ʼn insittende van die motor was, buite langs die pad gevind. Sy het matige beserings opgedoen. Die bestuurder van die vragmotor is ook net lig beseer. Die drie pasiënte is op die toneel behandel voor hulle na ʼn nabygeleë hospitaal vervoer is vir verdere behandeling.
Die presiese oorsaak van die ongeluk word ondersoek.
Daar is natuurlik nie ‘n manier hoe die kind haar veiligheidsgordel aangehad het of enige ander vorm van beveiliging gehad het nie. Ouers wat nie hul kinders in karre beveilig nie moet toegesluit word