5 polisiebeamptes vas oor ‘ooreenkoms’ met nooddienste

Argieffoto: memyselfaneye (Pixabay)

Agt verdagtes, onder wie vyf polisiebeamptes, verskyn Vrydag in die landdroshof in Pietermaritzburg in KwaZulu-Natal op aanklagte van korrupsie.

Die polisiebeamptes, tussen 30 en 50 jaar oud, is verbonde aan die Suid-Afrikaanse Polisiediens (SAPD) se 10111-inbelsentrum in Hilton.

Kapt. Simphiwe Mhlongo, woordvoerder van die polisie, sê in ’n verklaring die agt verdagtes is Donderdag in hegtenis geneem nadat inligting ontvang is dat dié beamptes glo met ’n private ambulans- en insleepdiens saamgesweer het.

Die polisiebeamptes het na bewering inligting oor motorongelukke in die Pietermaritzburg-gebied aan die nooddienste verskaf. Dit beteken dat dié nooddienste dus ’n onregverdige voorsprong bo ander gehad het om op voorvalle te reageer. Die polisie het op hul beurt glo gunste uit dié ooreenkoms ontvang.

Volgens Mhlongo word meer inhegtenisnemings binnekort verwag.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

7 Kommentare

Marius ·

Help nie julle maak so ‘n groot storie hiervan nie. Dis ‘n algemene praktyk oral in die land… Praat maar met enige breakdown eienaar. As jy nie bereid is om bribes te betaal nie, sal jy niks werk kry nie…

Strandloper ·

Nou toe nou….”When you are in Rome do it like the Romans ” Hoe kan ons dan anders verwag!

JohanR ·

Kan hulle nie net polisiemanne wees nie? Altyd ietsie op die kant.

Lee ·

Wel tenminste is daar dan iemand vinnig op ‘n ongelukstoneel. Dis nou nie reg om iets in ruil te kry nie maar goeie diens is great.

Heksie ·

en hoe is dit nou ‘n misdaad? Word tog groot asseblief SAPS, plaas konsentreer julle op die hoë misdaad syfers instede van sulke onbe nullighede!!!!!

Stellie ·

Heksie natuurlik is dit n misdaad!! Dis korrupsie!! Hul het betaling gekry vir die inligting.

Karolis ·

Insurers are NOT exempt from the consumer protection act, and nobody else. Insurers were exempt from 01 April 2011 for 18 months. This exemption period came to an end as of October 2012.
DTi (Dep of Trade & Industry) has confirmed that ALL insurers in South Africa, which includes brokers, WILL comply with the CPA (Consumer Protection Act) as from October 2012. Specifically of huge importance, is Section 13 of the CPA. This states that it may NOT be a condition of a policy, that a consumer SHALL have to use the approved Service Provider of that company. This goes for the repairs of motor vehicles too. Consumers have the RIGHT of choice and this may finally now be excersised.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.