Die polisie in die Oos-Kaap het Woensdag ʼn 31-jarige man in hegtenis geneem nadat ʼn glo met ʼn oorlaaide Toyota Quantum-bussie vol skoolkinders roekeloos bestuur het.
Ao. Gerda Swart, polisiewoordvoerder, het gesê lt. Loaan Steenkamp van die Patensie-polisie was omstreeks 07:30 op pad werk toe, toe hy opmerk hoe die bestuurder roekeloos met die bussie in Fred Ferreira-rylaan jaag.
“Hy het ook opgemerk dat die bestuurder skoolkinders vervoer,” het Swart gesê. “Steenkamp het dadelik die bussie van die pad afgetrek en altesaam 50 kinders tussen die ouderdom van ses tot 12 jaar oud het uit die voertuig geklim. Dit is ʼn 15-sitplekvoertuig.”
Die man is net daar in hegtenis geneem op aanklagte van roekelose en nalatige bestuur asook oorlaaiing van ʼn voertuig.
Die verdagte moet Donderdag in die Hankey-landdroshof verskyn.
Net weer n bewys, hulle voel vere vir mense lewens.
Wonder of dit ‘n rekord is?
Hoop rerigwaar dat daar voorsiening gemaak is vir hierdie arme kinders om terug te kom by hul huise.
Ek het hulle al gekry negentien grootmense, drie hoenders en een boerbok binne in ‘n 15 seater.
Wanneer leer mense dan die gevolge van sulke dade?
Baie dankie dat daar nog mense is wat bereid is om betrokke te raak en ons kinders te beskerm teen sulke growwe onverantwoordelikheid.
Die bestuurder reken daar is plek vir nog een.