53-jarige vas oor R2 miljoen se dwelms

(Foto verskaf deur die SAPD Wes-Kaap)

ʼn 53-jarige man is op die N1 naby Laingsburg in die Wes-Kaap voorgekeer met dwelmmiddels van meer as R2 miljoen in sy besit.

Kapt. Malcolm Pojie, woordvoerder van die polisie, het gesê beamptes van die Wes-Kaapse verkeersdepartement is Sondagaand in die Laingsburg-gebied ontplooi. “Hulle het omstreeks 23:00 ʼn verdagte vragmotor opgemerk. Die vragmotor is deursoek en hulle het op twee sakke dagga, wat sowat 60,2 kg weeg, en 39 000 Mandrax-tablette met ʼn geraamde straatwaarde van sowat R2,07 miljoen afgekom.”

Die 53-jarige bestuurder van die vragmotor is in hegtenis geneem. Hy sal na verwagting Woensdag in die Laingsburg-landdroshof verskyn.

Die dwelmmiddels was na bewering bestem vir verspreiding in die provinsie.

(Foto verskaf deur die SAPD Wes-Kaap)

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

4 Kommentare

jongste oudste gewildste
Swartskaap

Hy was maar die bestuurder van die vragmotor. Wie is die eienaar van die dwelms? Hulle kom ALTYD weg.

Hennie

Daar gaan my pens-ionfonds…

marius

Voer dit vir hom , lepel vir lepel . In die openbaar .