6-jarige se lyk gevind ná moordenaars R5 000 eis

Noluthando Masango (Foto via Pink Ladies)

Die ouma van die sesjarige Noluthando Masango van Mpumalanga wat ontvoer en vermoor is, het gesê haar kleindogter se liggaam is gevind nadat die gesin die spertyd verbeur het om ʼn R5 000-losprys vir haar vrylating te betaal.

Noluthando is verlede Saterdag vermis toe sy saam met haar ouma, Leah Masango, ʼn tradisionele seremonie in Siyabuswa A, sowat 35 km buite Marblehall, bygewoon het.

Noluthando het in ʼn kamer saam met ander kinders gespeel terwyl die volwassenes buite besig was met die seremonie. Sy het omstreeks 19:00 meteens die vertrek verlaat om te gaan kyk hoe die mense dans en nie weer teruggekeer nie.

Haar liggaam is Donderdagoggend in ʼn stroom, ʼn paar meter van die huis waar sy laas gesien is, gevind. Die persoon wat op haar liggaam afgekom het, het dadelik die polisie ontbied. Sy is verwurg en vermoedelik verkrag.

Leah het in ʼn onderhoud met African News Agency (ANA) gesê Noluthando se ma, Thoko (24), het ʼn oproep en teksboodskappe die Maandag ná haar verdwyning ontvang.

“Thoko sê die persoon wat gebel het, het niks gesê nie en sy kon in die agtergrond hoor hoe Noluthando huil en om hulp vra. Sy het ook ʼn teksboodskap ontvang waarin die persoon R5 000 geëis het,” het Leah gesê.

Die persoon het daarop aangedring dat die R5 000 aan ʼn man uitbetaal word met behulp van Shoprite se Money Market-diens en het gedreig om Noluthando dood te maak as die gesin dit nie voor daardie Donderdag om 13:00 sou inbetaal nie.

“Ons wou haar lewe red, maar het nie die geld gehad wat hulle geëis het nie. Ons het die spertyd misgeloop en die persoon se nommer aan die polisie oorhandig,” het Leah gesê.

Brig. Leonard Hlathi, provinsiale polisiewoordvoerder, het bevestig dat ʼn R5 000-losprys geëis is, maar kon nie meer daaroor uitbrei nie aangesien dit die ondersoek kan belemmer.

Die polisie ondersoek ʼn saak van moord en ontvoering. Niemand is nog in verband met die voorval in hegtenis geneem nie. Die ondersoek duur voort.

Die stroompie waar Noluthando Masango se liggaam gevind is. Foto: ANA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
tamboti

En nou kom die ware reenboog kleure uit! Niks sal verander voordat misdadigers in die openbaar, wreed en brutaal gestraf word nie – ook die doodstraf. Ons tree nou terug na die oertyd met morele standaarde in SA!

Marianne

Hierdie pragtige kind se lewe is nie eens R5, 000 werd nie?
Rus in Vrede by die Engeltjies soos jy….

Rita Coetzee

My hart huil vir daardie familie.. so jammer dat ons in n siek wereld lewe

NEE

Pas julle kindertjies dag en nag soos goud op, Pappas en Mammas. Die dae is baie, baie, BAIE boos.

Colleen

‘n Lewe is vir die gemors niks werd nie. Bring terug die doodstraf.