Die vrou wys waar die vermeende inbreker oor die muur gespring het. (Foto: Rusa/Facebook)
’n Vermeende huisbreker het hom in Verulam, KwaZulu-Natal, vasgeloop toe ’n vrou hom met ’n kombuismes in die bors gesteek het.
Reaction Unit South Africa (Rusa) sê die vrou was verskrik toe sy die sekerheidsdiens ná 16:00 na haar huis ontbied het. Die vrou het vertel sy het ’n man met ’n mes gesteek, nadat hy by haar huis ingeglip het.
Die vrou het Rusa se beamptes met hul aankoms meegedeel dat sy televisie gekyk het toe sy hoor hoe iemand die onderste helfte van haar agterdeur probeer oopdwing.
Die vrou het ondersoek ingestel en opgemerk dat ’n verdagte by haar huis insluip. Sy het eers ’n houtrak gegryp en hom daarmee bygedam, maar dit het nie die verdagte afgeskrik nie.
Dit is tóé dat sy glo ’n kombuismes gryp en die verdagte in die bors steek.
Die gewonde verdagte het ná die voorval oor die muur gespring en gevlug. Volgens Rusa is die verdagte steeds soek.
Kapt. Nqobile Gwala, woordvoerder van die polisie, sê die voorval is nie by die plaaslike polisiestasie aangemeld nie.
Vat So!!!
Kry waarvoor jy vra… mense is moeg vir die kriminele
Dit wil gedoen word!!
Bietjie goeie nuus vir ‘n slag. Welgedaan.
Seker hy sal nie gou weer probeer inbreek nie, dis te se as hy nog lewe! Mens se sondes haal jou wel in, een of ander tyd.
Meer afgebyt as wat hy kon kou ne..
Hahahaha!! MOOI my tannie, MOOI!
Ons is trots op die dame, sy sou verseker nie lewendig uit die man se kloue gekom het as sy nie opgetree het nie!!!!!
Moet nie met Snr. Burgers moeilikheid soek nie
Wonder of hulle haar ook in die tronk gaan gooi?HEHEHE!
Stiek hom, my tannie. Stiek hom! Hy sal nie weer probeer nie.
ons raak moeg om in vrees te lewe en die skurke lewe asof ons die verkeerdes is VAT SO!
Dis jammer die boef het oorleef.
Mooi so meer moet op staan en dit doen like dit doen dit meer kry lekker my tone krul
Die wetsgehoorsame landsburgers is vuisvoos en gatvol! Mense gaan hulself al hoe meer en meer begin verdedig.
Die boef gaan haar seker nou aankla van aanranding??
Net jammer hy is weg. Iemand moes hom verseker met die wond help. Gelukkig is die vroutjie nie beseer nie
Altyd goed om ‘n wapen binne ryk afstand te he. Al is dit ‘n knipmes of traangas.
Die ou dame gaan seker aangekla word vir poging tot moord. Die dame het reg op getree, wat soek hy in haar huis, Dis reg wys tannie is oud maar nog nie koud nie.
Goed so dat sy dit nie by die polisie aangemeld het nie, dan was sy vir “poging tot moord” aangekla. Ek is bly sy is nie beseer nie.