72-jarige op plaas vermoor

Argieffoto

ʼn 72-jarige vrou se liggaam is Dinsdagoggend in ʼn huis op ʼn plaas naby Chrissiesmeer in Mpumalanga gevind nadat sy vermoedelik Maandagaand vermoor is.

“Die vrou se liggaam is in die badkamer gevind waar sy vasgebind was,” het sers. Gerald Sedibe, woordvoerder van die polisie, gesê. Sedibe kon nie onmiddellik bevestig wie op die vrou se liggaam afgekom het en of sy alleen op die plaas gewoon het nie.

“In dié stadium vermoed ons dat die oorledene verwurg is, maar ʼn nadoodse ondersoek sal gedoen word om die oorsaak van haar dood te bevestig.”

Sedibe het gesê die vrou se bakkie was vermis, maar is later verlate naby Tjakastad opgespoor. Hy het gesê dit is nie in die stadium duidelik wat nog uit die huis gesteel is nie.

Niemand is nog in verband met die moord in hegtenis geneem nie. Sedibe het ʼn beroep op die publiek gedoen om enige inligting oor die voorval by hul naaste polisiestasie aan te meld.

Die oorledene se naam kan eers bekendgemaak word wanneer al haar naasbestaandes van haar dood ingelig is.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
CWS

Op 72 nog alleen op plaas?…Nee regtig kyk…..na al die gruweldade????

Jannah Downes

Ek verstaan nie hoekom die karre altyd verlate gevind word nie, of erens uitgebrand gevind word nie?
Eintlik verstaan ek niks van hierdie tipe moorde nie. Dis so sinneloos dat ‘n bejaarde persoon wat geen weerstand kan lewer nie vermoor moet word. Ek is ‘n staatsaanklaer en ons sien elke dag hierdie tipe sake, dis hartsverskeurend.

Pop

Jannah die doel is om te moor. Dis net dit. Dis nie vir die regering sinneloos nie. Grond hervorming op sy vinnigste. As daar n wapen te vat is is dit n Score. Voertuie word net gebruik om vinnig weg te kom.

Boer

Ten minste pas hierdie goed in met Ramaposa se grondhervorming. Ek glo nie die polisie gaan hierdie boosdoenets so vinnig opspoor soos die mense wat polisiestasie aangeval het nie

PJC

So tragies. Ongelukkig kan ń mens nie reguit sê wat jy hiervan dink nie want in die nuwe SA is dit mos rassisme. Intussen bloei die nasie terwyl almal probeer om polities korrek te wees.