ʼn 73-jarige man het Donderdag in die swembad by die Westville Virgin Active in KwaZulu-Natal verdrink.
Paramedici het ongeveer 45 minute lank tevergeefs gespook om hom by te bring. Garrith Jamieson, woordvoerder van RescueCare, het aan News24 gesê paramedici is net ná 09:00 na die gimnasium ontbied.
“Personeellede van die gimnasium het hom reeds uit die water gehaal en met KPR begin,” het Jamieson gesê. “Die man het met sy gesig na onder in die water gedryf toe hy aangetref is. Ons weet nie veel meer in hierdie stadium nie.”
Paramedici het by die personeellede oorgeneem. Hy is langs die swembad dood verklaar.
Virgin Active was nie dadelik beskikbaar vir kommentaar nie.
Bron: Jeff Wicks, News24