‘7de Laan’ weer vyf dae per week op kassie

Die gewilde sepie 7de Laan sal van Oktober weer vyf dae per week op SABC2 te sien wees.

Dié nuus kom nadat die SABC vroeër vanjaar aangekondig het dat die program sedert April slegs drie keer per week uitgesaai word.

7de Laan sal van 4 Oktober kykers egter weer soos voorheen vyf dae per week vermaak.

SABC2 het nog nie ʼn verklaring oor die besluit uitgereik nie. Kayleen Bessit, publisiteitsbeampte vir 7de Laan, sê hulle is verheug oor die SABC se besluit om die episodes weer te vermeerder.

“Ons weet dat ons aanhangers ook baie dankbaar en opgewonde hieroor is. Ons terugkeer is grotendeels te danke aan hulle. Kykers kan nou ʼn hele week van hul gunstelingprogram geniet sonder die lang gewag tussenin.

“Die volgende maande is propvol dramatiese, naelbyt oomblikke en komiese storielyne,” het Bessit gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

31 Kommentare

jongste oudste gewildste
Hennie

Lekker vars riool in jou huis!

koos10

Ek weet daar is baie wat nie kyk nie, en baie wat ook kyk. Dit is soos die inenting, ‘n persoonlike keuse.

Elinette

Ag, wie kyk nog 7de Traan?

Blikkies

Ek het dit so lanklaas gekyk, Hoe gaan dit nog met Bart se Duiwe?

Peter Pan

Gelukkig kyk ek dit nie hahaha