8 vas oor daggalab in Bloemfontein

Die owerhede en verdagtes by die daggalaboratorium. (Foto: Verskaf)

Agt verdagtes is Donderdag in hegtenis geneem nadat die Valke op ’n enorme daggalaboratorium in Bloemfontein in die Vrystaat toegeslaan het.

AO Lynda Steyn, woordvoerder van die Valke, het in ’n verklaring gesê inligting rakende die laboratorium is Maandag ingewin. Die owerhede kon intussen ’n lasbrief bekom voordat hulle vroeër vandag op die laboratorium in Bloemspruit toegeslaan het.

Agt verdagtes, tussen 22 en 52 jaar oud, is in die proses in hegtenis geneem vir die kweek en handeldryf van dagga.

Die verdagtes sal na verwagting Maandag in die Bloemfonteinse landdroshof verskyn.

Die Valke in die Wes-Kaap het op hul beurt ’n verdagte vasgetrek wat na bewering ’n besending mandrax vanaf Johannesburg na George vervoer het.

Die daggalaboratorium in Bloemspruit. (Foto: Verskaf)

Lt.kol. Philani Nkwalase, woordvoerder van die Valke, het in ’n verklaring gesê ’n verdagte (37) is Woensdag in Yorkstraat in George voorgekeer waarna sy motor deursoek is.

Volgens Nkwalase is daar op drie pakkies vol mandrax-tablette beslag gelê wat in ’n aartappelsak agter in die motor versteek was. Die tablette het ’n straatwaarde van sowat R150 000.

Die verdagte is op die plek in hegtenis geneem en sal na verwagting Vrydag in die George-landdroshof verskyn op aanklag van die besit van onwettige middels.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Pompies55 ·

Los hulle,jul anc regering het sulke daggalabs veroorsaak

Erica ·

Nou wat verwag hulle? Daar is baie meer daar buite. Verban rook maar jy kan jou zol rol.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.