ʼn Bejaarde man (82) van Randburg in Johannesburg kon daarin slaag om net betyds uit te kom toe ʼn brand Saterdagoggend by sy huis uitgebreek het.
Ross Campbell, woordvoerder van ER24, het in ʼn verklaring gesê paramedici en die plaaslike brandweerdiens is omstreeks 10:45 na ʼn huis in Gordonweg in Bergbron ontbied.
Volgens Campbell is ʼn bejaarde man met hul aankoms op die toneel buite die brandende huis aangetref. Die man kon daarin slaag om net betyds weg te kom voordat die huis in puin gelê is.
Die man is op die toneel vir rookinaseming ondersoek en is ongedeerd bevind.
Volgens Campbell was paramedici teen vanmiddag nog op die toneel om die brandbestryders te ondersoek wat die brand geblus het.
Dit is in die stadium nie duidelik wat die brand veroorsaak het nie.
Moet seker lees ” 82 jarige ontsnap uit brandende huis”
Siestog seker n verwarmer of n vuurtjie vir die koue.