88 000 tabletrekenaars uit Gauteng-skole onttrek

Argieffoto

Argieffoto

Die departement van onderwys in Gauteng sal 88 000 tabletrekenaars uit die provinsie se skole onttrek uit vrees dat die elektronika gesteel sal word.

Panyaza Lesufi, Gauteng se LUR vir onderwys, het aangekondig die tabletrekenaars sal onttrek word nadat verskeie skole onder inbrake deurgeloop het. Volgens Lesufi wil inbrekers spesifiek die tabletrekenaars steel wat deur die departement aan die skole oorhandig word.

Lesufi het briewe aan skoolhoofde gestuur wat versoek dat al die tabletrekenaars onmiddellik aan die departement terugbesorg word, sodat veiligheid by die skole eers opgeskerp kan word. Elf tabletrekenaars is glo gesteel waarvan vyf reeds teruggevind is. Die oorblywende ses sal opgespoor en teruggekry kan word sodra hulle aangeskakel word, het hy gesê.

Die LUR het Donderdag met betogende gemeenskapslede in Etwatwa in Benoni aan die Oos-Rand oor die vandalisme by skole gepraat. Hy het gesê skole se heinings, stoele, tafels en vensters is geskend en het bygevoeg dit is jammer dat skole die teiken van diensleweringbetogings is wanneer die betoging niks met onderwys te doen het nie. Hy het ook gesê sommige skole se rekenaars is deur vandale beskadig wat die daaglikse verloop van die skole beïnvloed.

“Wanneer hierdie mense by ons skole inbreek om tabletrekenaars te soek, vat hulle ander goed ook,” het Lesufi gesê. “In een skool het hulle leerders se papiere en handboeke aan die brand gesteek. Dit is winter en leerders moet in klaskamers sonder vensters sit. Onderwysers kan nie eens lesse voorberei nie as gevolg van die skending van skooleiendom.”

Hy het ʼn beroep op die polisie gedoen om hul patrolliedienste om skole te versterk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
HEVW

Jaaaa,——- nouja, Laat ons hoor wat se die toekoms van onse reenboognasie.

Let

Dis geen verrassing nie….was ‘n kwessie van tyd…

De

lekker om so geld te mors – whats new !!!

scalla

Swart bord en kryt is die inding, het vir jare al gewerk

Hennie

Nou waarheen gaan hulle nou met dit en wie gaan verantwoordelik wees vir dit?