90 000 wag op agterstallige bestuurslisensiekaarte

lisensie

Argieffoto

Die departement van vervoer erken daar is tans ’n agterstand van sowat 90 000 bestuurslisensiekaarte wat nog gedruk moet word.

Dié agterstand beïnvloed aansoeke wat in Julie en Augustus vanjaar ingedien is

Dít volg nadat die departement van vervoer sedert Augustus vanjaar in ’n arbeidsgeskil betrokke is met werknemers wat gekontrakteer is om bestuurslisensiekaarte te vervaardig.

Volgens Ishmael Mnisi, woordvoerder van die departement, sal agterstallige aansoeke vir die volgende drie weke prioriteit geniet nadat ’n ooreenkoms bereik is dat werknemers noodgedwonge met produksie moet voortgaan, al is dit dan teen ’n stadiger pas.

Hoewel van die bestuurslisensiekaarte wat tydens die loongeskil gedruk moes word nog nie gedruk is nie, is 800 000 kaarte wel gedruk en 500 000 hiervan is reeds uitgestuur. Mnisi bevestig aansoekers wat sedert September hul aansoeke ingedien het, het reeds hul kaarte ontvang.

Mnisi verduidelik dat die loongeskil gedurende die jaarlikse produksiestelsel-instandhoudingstydperk plaasgevind het waar produksiemasjiene jaarliks nagegaan word. Daar is intussen ooreengekom dat die werknemers hul pligte sal voortsit en kaarte vervaardig totdat die dispuut by die algemene sektorale bedingingsraad afgehandel is.

Hy het namens die departement om verskoning gevra vir die ongerief wat die agterstand veroorsaak en motoriste aangeraai om vir ’n tydelike bestuurslisensiekaart aansoek te doen. Dié kaart is vir ses maande geldig en sal verseker dat motoriste steeds aan die verkeersregulasies voldoen terwyl hulle vir hul lisensiekaarte wag.

Motoriste kan die vordering van hul aansoeke monitor deur hul ID-nommer na 33214 te SMS.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
PIETER

Toe my geweer leksensie 3 dae voor verval datum wou uitneem toe verloor ek my leksensie, maar het nog my rewolwer. Nou gaan ek seker my bestuurskaar ook verloor. Raak net meer lag wekkend.

Rooikop

Is dit nie eienaardig nie ?? Daar is altyd n issue met iets …………… Niemand wil
regtig werk nie ………….. hulle hou almal altyd aan die kort hare beet ………………

Neels Marais

Ek het 5 maande voor my verval datum reeds gegaan. Ek wag nog steeds. Ek gaan definitief nie ‘n tydelike lisensie uitneem en dan nog betaal vir dit. Ek was betyds, dit is nie my skuld dat hulle gestaak het nie

Thinus

Is daar nie net een staats departement wat normaal kan funksioneer nie. Hoekom is hulle almal in ‘n permanente krises? En dis waar ons beladting geld heengaan?

Bekommerde

Ek weet nie waarom almal deesdae met withandskoentjies hanteer word nie.

Wil die mense werk JA of NEE?
Gee die werk vir die wat smag na werk en wat dit sal oppas!

Mens moet trots wees op jou werk & maar ‘n ekstra myl stap vir jou werkgewer.