91 vas ná plundertog in Jhb

Foto: AP/Yeshiel Panchia

Die polisie het Maandag gesê 91 persone is die afgelope twee dae in en om Johannesburg in hegtenis geneem in verband met openbare geweld en ʼn plundertog in uitlanders se winkels.

“Die polisie veroordeel alle geweld wat geteiken word op die ondernemings van uitlanders in Ekurhuleni, Tshwane en Johannesburg se middestad,” het Lungelo Dlamini, provinsiale woordvoerder, gesê.

Die geweld het verlede week in Pretoria begin ná ʼn taxibestuurder glo deur ʼn vermeende dwelmhandelaar geskiet is. Verskeie winkels is geplunder en aan die brand gesteek. Die geweld en plundery het gou na Johannesburg uitgebrei waar uitlanders se winkels geplunder is.

Dlamini het gesê die onverantwoordelike “gebruik en misbruik van sosiale media” het ook ʼn rol gespeel om die geweld aan te hits.

Lt.genl. Elias Mawela, provinsiale polisiekommissaris, het aan alle bevelvoerders opdrag gegee om sterk op te tree teen die oortreders.

Van die 91 persone wat in hegtenis geneem is, is 20 persone in Rosettenville aangekeer, 35 in Malvern, 10 in Tembisa, 26 in Jeppe en nege in Germiston. Hulle staan tereg op aanklag van onder andere openbare geweld, opsetlike saakbeskadiging en diefstal.

“Die polisie ondersoek ook ʼn saak van moord ná ʼn lid van die publiek doodgeskiet is. Hy is vermoedelik geskiet deur ʼn groep mense wat in Hillbrow bymekaargekom het. Die polisie is steeds besig met sy ondersoek om die motief vir die skietery te bepaal. Niemand is nog in hegtenis geneem in verband met die moord nie,” het Dlamini bygevoeg.

Dlamini het gesê nog inhegtenisnemings word in Tembisa verwag.

Die Zambiese regering het verlede week ʼn reisigerswaarskuwing uitgereik aan sy vragmotorbestuurders om Maandag hoofpaaie in Suid-Afrika te vermy te midde van dreigemente van geweld teen uitlanders.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

26 Kommentare

jongste oudste gewildste
Ray

Viva Rama Viva Mugab Viva. Groot internasionale maatskappye gaan met SA doen wat hulle met Zim gedoen het. Wens net die aan bewind wil hulle oë oopmaak en erken wat aan die gang is. Maar Populere Politiek is belangriker

Nic du Plessis

More loop hulle weer vry rond, ons regstelsel beskerm hulle

Wie het gerook

91 gevang 91 losgelaat

KrokodilBotha

Klomp videos was ek gesien het vandag in Johannesburg moes dit nou al 9000 plus gewees het. Dink daars n fout met hulle berekening

piper

dis oorlog. geen hoop vir die land nie. ek wens ek kan waai maar is te oud en te min geld. mog ek die lotto wen. dan is ek weg.