92 onwettige vuurwapens gekonfiskeer

Foto verskaf deur die Valke

ʼn Taakspan het beslag gelê op 92 onwettige vuurwapens by ʼn vuurwapenwinkel in Kaapstad.

Kapt. Philani Nkwalase, woordvoerder van die direktoraat vir prioriteitsmisdaadondersoeke (die Valke), het gesê die taakspan het bestaan uit lede van die Valke se nasionale vuurwapentaakspan, misdaadintelligensie en die Flash-eenheid (eenheid vir vuurwapens, alkohol en tweedehandse goedere), het die deurbraak gemaak om toe te slaan oor onwettige vuurwapens in die Wes-Kaap.

Die span het Woensdag op die winkel toegeslaan. Die 92 vuurwapens sluit AK47’s, pistole, rewolwers, ʼn haelgeweer en aanvalsgewere in.

“Die vuurwapens sal vir forensiese toetse gestuur word om te bepaal waar dit vandaan kom en of dit tydens enige misdade gebruik is,” het Nkwalase bygevoeg. “Niemand is tot dusver in hegtenis geneem nie, hangende die uitslag van die ondersoek.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

20 Kommentare

jongste oudste gewildste
BlinkStephaans

WOW… dis mooi… ek hoop regtig maar net dit vind nie weer hul pad terug strate toe nie.

Careltjie

Baie van die wapens is dan sport wapens.

Ben

Hoe is dit moontlik dat ‘n Wettige Wapen handelaar 92 onwettige wapens het? Miskien moet die polisie meer klopjagte doen op hierdie wapen handelaars. Knap gedaan aan die SAPD maar dit is ‘n absolute skande vir die wapen bedryf. Publiseer asb die naam van die handelaar. Die mense hoort nie hier nie.

marous

Niemand is in hegtenis geneem nie??

Marko

Ek is seker die fout le by die polisie ! Hulle maak geduurig Foute dan blameer hulle die publiek en handelaars vir hulle foute !!
Ek glo die handelaar is onskuldig en gaan verseker die valke dagvaar !!!