92 staatsamptenare in 3 maande vas

Argieffoto

Die waarnemende hoof van die Valke is bekommerd oor die aantal korrupte amptenare wat die persepsie versterk dat Suid-Afrika een van die korrupste lande ter wêreld is.

Lt.genl. Yolisa Matakata het gesê van 1 November 2017 tot op datum is 92 staatsamptenare van verskillende instellings reg oor die land deur die Valke in hegtenis geneem op aanklagte van onder meer korrupsie, gewapende roof en diefstal.

Van die 92 staatsamptenare is 28 polisiebeamptes, 45 verkeersbeamptes, ses beamptes van die departement van binnelandse sake en dan ander amptenare van onder meer munisipaliteite. Matakata het gesê 34 van die 45 verkeersbeamptes is van Limpopo.

“Diegene wat met regeringsake toevertrou word, is veronderstel om dit met eer en integriteit te doen,” het Matakata gesê. Volgens haar is die Valke se mandaat om seker te maak dat burgers weer vertroue in regeringsinstellings kry.

“Ons regstelsel is gegrond op die oppergesag van die reg wat in die grondwet verskans word. Dit beteken die wet is op almal van toepassing en dat niemand bo die wet verhewe is nie.”

Matakata meen die stryd teen korrupsie is nie net die regering se taak nie, maar ook die burgery en die media se taak. “Korrupsie is ʼn plaag en kan nooit geduld word nie. Ek wil dankie sê aan diegene wat korrupsie aanmeld.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

19 Kommentare

jongste oudste gewildste
wraggies

Wanneer gaan julle die wat verantwoordelik is vir grootskaalse plundery en korrupsie asook belasting ontduiking in hegtenis neem?

Eish

Dit is baie duidelik dat die valke nie op al hul silinders vuur nie.
Net in die parlement alleen sal hul meer as die getal vervolgbare amptenary kan vastrek.

marianna

Bly om te hoor iemand het wakker geskrik

zoom zoom

As die valke toeslaan op die shebeen im saxonworld gaan hulle ‘n groot slag slaan met korrupte staatsamptenare

Onnie

Daar is beslis meer as 28 korrupte polisiebeamptes in SA! Ek dink op ons dorp alleen is daar 28. Valke het nog baie werk om te doen.