Die Suid-Afrikaanse Nasionale Redakteursforum (Sanef), Primedia Broadcasting, Media24 en ander partye het in Maart ʼn hofaansoek ingedien met betrekking tot die selfoonseine wat gedurende die 2015 staatsrede geblokkeer was en die onderbreking van die parlementêre beelduitsending.
Die applikante het getuig die parlementêre beleid om nie onparlementêre gedrag en ernstige wanorde uit te saai nie, is ongrondwetlik omdat dit die publiek verhoed om te sien wat regtig in die parlement gebeur.
Tydens pres. Jacob Zuma se staatsrede vroeër vanjaar het die parlementêre beelduitsending nie gewys hoe die lede van die Ekonomiese Vryheidsvegters (EFF) hardhandig uit die parlement verwyder is nie. Die videodekking het slegs op Mbete en die Nasionale Raad van Provinsies-voorsitter, Thandi Modise, gefokus.
Die hooggeregshof het egter bevind die parlementêre uitsaaibeleid ooreenstem met die grondwet en ingestel is om die waardigheid van die nasionale vergadering te beskerm.
Die ANC het die hofuitspraak verwelkom. Stone Sizani, hoofsweep van die party, het gesê die parlement respekteer die media se regte soos in die grondwet vervat en “sal nooit onnodig die media se bedrywighede verhinder binne sy distrikte nie”. Hy het bygevoeg dat dit die parlement se plig is om nooit die chaotiese en oproerige gedrag van LPs goed te keur nie.
“Dit spyt ons as die ANC dat hierdie saak hof toe moes gaan, omdat ons glo die partye kon dit op ‘n vriendskaplike wyse ondermekaar opgelos het.”
re: …ingestel om die waardigheid van die nasionale vergadering te beskerm.’
stop quote
My vraag:
Hoe kan niebestaande waardigheid beskerm word?
Goeie vraag, ek wonder ook. Ek kan nie daardie som maak nie.
As hulle nie wanorde wil uitsaai nie, wat maak Zuma se gesig nog op ons tv. Vandat hy aan bewind is, is daar net wanorde en chaos in ons land!!!
Een groot sirkus, kort nog net die tent.