Aansoek oor sigaretverbod nou selfs láter aangehoor

(Argieffoto: Unsplash)

Die hooggeregshof in Kaapstad gaan British American Tobacco SA (Batsa) se hofsaak om die regering te dwing om die verbod op die verkoop van sigarette op te hef, nou eers in Augustus aanhoor.

Batsa, die land se grootste sigaretvervaardiger, se saak teen die staat sou aanvanklik Maandag aangehoor word, maar dit is weens ʼn skeduleringskonflik met ʼn week uitgestel. Dit gaan egter nou eers op 5 en 6 Augustus aangehoor word.

Francois Rossouw, uitvoerende hoof van Saai, het Vrydag gesê die organisasie verskyn namens boere en plaaswerkers in die hof. Die saak sal aangehoor word saam met nege ander aansoekers, gelei deur Batsa.

Volgens Rossouw is daar in dié stadium volgens die hof nie ʼn regter beskikbaar om die saak vroeër aan te hoor nie.

Saai het gesê die “eienaardige verbod” op tabakhandel in Suid-Afrika as deel van die regering se strategie om Covid-19 te bestry het honderde tabakboere en talle plaaswerkers in ʼn krisis gedompel.

“Dit het verkoopsgeleenthede vernietig, asook inkomstestrome, werksgeleenthede en broodwinning in die primêre produksiesektor,” het dr. Theo de Jager, Saai se direksievoorsitter, gesê.

Volgens Rossouw het boere reeds baie geld bestee aan insetkoste en infrastruktuur, asook aan salarisse vir plaaswerkers.

“Dié koste kan slegs teruggewin word as boere voordeel kan trek uit die opbrengs van hul tabakoeste. Die verbod op tabakprodukte beperk nie net die kans dat boere in die volgende seisoen kan plant nie, maar plaas ook ernstige finansiële druk op hulle omdat die meeste boere verdere finansiering gaan benodig om hul bedrywighede te kan volhou,” het hy gesê.

Batsa en die ander aansoekers vra die hof om die drie maande lange verbod op sigarette, wat ingestel is toe die land ʼn landwye staat van afsondering ingegaan het, ter syde te stel.

Dit is die tweede vervaardiger wat die minister van samewerkende regering en tradisionele sake, Nkosazana Dlamini-Zuma, hof toe sleep oor die verbod. Dlamini-Zuma hou voet by stuk die verbod is noodsaaklik om die verspreiding van Covid-19 te verminder en die erns van simptome van diegene wat dit wel opdoen, te verminder.

Die hooggeregshof in Pretoria het twee weke gelede al uitspraak voorbehou in die Fair Trade Independent Tobacco Association (Fita SA) se aansoek om die verbod ongrondwetlik te laat verklaar.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

35 Kommentare

jongste oudste gewildste
Jaco

Ek het nou maar opgehou rook, want ek weier om n kriminele diktator se gemors produkte te ondersteun. Daai swartmark sigarette dink ek is nog meer gevaarlik. Wie weet wat hul als daarin gooi. Ek drink nou maar my wellbutrin en kou my nicorettes en ek oorleef dit.

Marius

Hoekom verbaas dit my nie . Enige iets om te wys wie is baas in die land . Siestog .

Mieke

Wat ‘n klomp twak wat ANC nou verkoop!

Johann

Ons is aan die ontvang kant van self aangewese mags dronk ANC kaders wat totaal onbevoegd en onbekwaam is om rasioneel, prakties en logies te dink of doen.

So n dringende kwessie…maar daars niemand beskikbaar om dit te hanteer nie? Is mos onmoontlik? Wel…in die land van CERIL DIE MILJARDER en sy kronies….!!!!!!!

Linda

Hoekom ondersoek iemand nie die regters wat die besluite neem se bank rekeninge nie? Dalk is hulle ook in die Zuma Jnr , smokkelaars , ANC kader se vang web en kry miljoene deur die agterdeur in nie? ‘n Vis vrot mos maar gewoonlik van die kop af…