Aanval by moskee in KZN

Aanval by moskee in Verulam, KwaZulu-Natal (10 Mei 2018) Foto: IPSS Medical Rescue

Twee persone is beseer en een is dood nadat hulle Donderdagmiddag by ʼn moskee in Verulam, KwaZulu-Natal aangeval is.

Lede van die Reaction Unit South Africa het hulp na die Imam Hussain-moskee in Ottawa, Verulam ontbied nadat drie mans op die moskee toegeslaan het. Volgens inligting van die toneel is die aanvallers moontlik van Egipte afkomstig.

Maroela Media verneem die drie aanvallers het by die moskee ingestorm en geskree voor hulle die drie slagoffers aangeval het.

Paul Herbst, woordvoerder van IPSS Medical Rescue, het gesê die aanvallers het drie persone, ʼn priester, ʼn aanbidder en ʼn opsigter, met messe aangeval en hul kele gesny. Die moskee is daarna aan die brand gesteek, vermoedelik met ʼn petrolbom.

Een van die slagoffers het kort ná sy aankoms by die hospitaal aan sy beserings beswyk, het Herbst bevestig.

Volgens Reaction Unit SA het die aanvallers in ʼn wit Hyundai Getz van die toneel gevlug.

Meer inligting sal volg.

*Die berig is aangepas nadat een van die slagoffers aan sy beserings beswyk het. – Red

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Veritas

Ek het gewonder wanneer die dinge ons gaan tref. Dit was net ‘n kwessie van tyd.

Stokkies

Ja, kort voor lank gaan Christen kerke ook geteiken word

Johann

Welkom in die nuwe SA van Lindiwe Sisulu en die ANC. Beskaafd, veilig….

jaco

moslems val moslems aan. iets maak nie sin nie…

Tokkie

Die meeste mense in Egipte volg die Islam geloof. Ons kan net bid hierdie is nie n geloofsmisdaad nie – dit sal niks goeds voorspel vir n land soos Suid Afrika wat reeds genoeg probleme het nie. Die wreedheid waarmee die aanval uitgevoer was is barbaars.