Aarbeiboer vermoor: Dogter bring hulde aan pa

Jeffrey en Beverly Zetler. Foto: Facebook

Jeffrey Zetler, eienaar van die bekende Mooiberg-padstal net buite Stellenbosch, is op sy vrou se verjaarsdag vermoor.

Zetler is Saterdag laatmiddag dood nadat hy verskeie kere met ʼn skerp voorwerp in die bors gesteek is in sy kantoor op die Brakelsdal-plaas. Zetler het lone aan sy werkers betaal en was op pad om die groep werkers te vervoer toe hy oorval is.

“Die verdagtes het aangedring op die sleutels van die kluis en Zetler beveel om dit vir hulle oop te sluit. Hulle het hom van kontant én ander goedere beroof en hom daarna met ʼn mes doodgesteek. Zetler is minute later op die toneel dood,” het kapt. FC van Wyk, woordvoerder van die polisie, gesê.

IOL berig Zetler se vrou, Beverly, het Saterdag verjaar. “Daar is geen woorde wat ooit ons verlies en verplettering kan beskryf nie. Jeff, Pa, jy het soveel aan so baie mense gegee en so ʼn verskil gemaak in die lewe van jou gesin, jou Joodse gemeenskap, jou vriende, jou personeel en die hele wêreld,” het Nicole Shapiro, een van Zetler se twee dogters, gesê.

“Ons sal nooit jou groot liefde vir jou familie kan beskryf nie en wat jy op jou nederige manier tot ons lewe bygedra het nie. Niks was ooit te veel moeite vir jou nie. Jou warmte, jou positiwiteit, jou krag, jou gemoedelike geaardheid, jou hulpvaardigheid aan almal en die opheffing van almal rondom jou sal vir ewig gemis word. Ons het ʼn gapende gat in ons lewe. Rus in vrede, ons liewe Pa – ons is lief vir jou.” Zetler word Dinsdag in die Joodse begraafplaas van Stellenbosch begrawe.

Zetler is al vier keer vantevore beroof. Hy is tydens een van die voorvalle in die instapkluis vasgebind.

Die polisie het gesê sake van moord en roof word ondersoek. Daar word gesoek na vier verdagtes en niemand is nog in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Anja

Baie jammer oor julle verlies en baie sterkte aan die Zetler familie.

D V

Jammer vir julle verlies. Mag die Here ryklik vertroos met die verlies.

carel

wanneer gaan ons pres iets se as n witte vermoor word????? die hele anc het so baie te se as n witte net effens skeef trap komaan pres , wys ons jy is onpartydig

Peter

Self beveiliging, self bemagtiging of die land verlaat….

Frieda

Tragies! Mense ons moet ons self maar beveilig en op die hoede wees. Simpatie en sterkte aan die familie. (Was in Oktober 2017 by Mooiberg Padstal. Aarbeie gepluk en wyn gekoop. Pragtige plek.)