Aardbewing in Botswana skud SA

Foto: USGS.

ʼn Aardbewing wat omstreeks 19:40 in Botswana voorgekom het, het kort daarna aardskuddings oor groot dele van Suid-Afrika tot gevolg gehad.

Volgens die Amerikaanse Geologiese Opname (USGS) het ʼn aardbewing van 6,5 sowat 131 km wes van Moijabana, Botswana, voorgekom op ʼn diepte van 11,6 km. Dit was nie onmiddellik duidelik of daar enige lewensverlies was of skade aangerig is nie.

Inwoners van verskeie provinsies in Suid-Afrika het onmiddellik op sosiale media gesê hulle kon die skudding voel. Dit het plek-plek tot ʼn minuut lank geduur.

Die skudding is oor groot dele van Gauteng gevoel, asook in Limpopo, Noordwes, Mpumalanga, die Vrystaat, die Noord-Kaap en glo ook in al die ander provinsies. Volgens berigte kon dit ook in dele van Namibië gevoel word.

Dit volg kort op die hakke van Maandagoggend se aardskudding. Iwoners van onder meer Potchefstroom, Orkney, Klerksdorp, Johannesburg en Pretoria is deur die aardskudding wakker gemaak.

Volgens die USGS het dié skudding van 5,2 om 05:08 voorgekom en ʼn paar sekondes geduur. Dit was naby Stilfontein en ongeveer 41 km vanaf Potchefstroom gesentreer en kon in verskeie dorpe, onder meer Orkney, Klerksdorp, Viljoenskroon en Johannesburg, gevoel word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

87 Kommentare

jongste oudste gewildste
Kobus

Ook gevoel in Vryburg vir ongeveer 15 sekondes….

Verstom

Ons ook skudding gevoel in Roodepoort! Here, wees ons genadig!

Driekie

Skudding gevoel hier in Pretoria Noord

waterdraer

Dis die rand en ons ekonomiese toestand geval het.

leon pit

Asook in Sasolburg 19h42. Tot die TV het geskud.