‘n USGS grafiek wys waar die episentrum was en waar mense dit die meeste gevoel het. (Foto: USGS)
ʼn Aardbewing van 4,3 het Suid-Afrika se Suidkus Donderdagmiddag getref en talle inwoners skrik op die lyf gejaag.
Volgens die Suid-Afrikaanse Geologiese Raad (SAGR) het die aardbewing 72 km suidwes van Durban voorgekom, maar was die SAGR nog besig om ondersoek in te stel waar die episentrum van die aardbewing was.
Storm Report SA het Donderdagmiddag op sy Facebook-blad gevra of enigiemand die aardbewing gevoel het, waarna talle inwoners van KwaZulu-Natal gesê het dat hulle die skudding beleef het. Party mense het die trilling so ver in die binneland as Richmond, 115 km van Durban, en Port Edward, 164 km suid van Durban, gevoel.
Sommige sosialemediagebruikers het bespiegel dat die Suid-Afrikaanse aardbewing verwant is aan die een wat die Filippyne Donderdagoggend getref het.
Maroela Media het vroeër berig dat minstens vyf mense dood is nadat ’n aardbewing van 6,5 die suide van die Filippyne getref het. Dit is die derde aardbewing om dié eilandgroep vandeesmaand te tref.
Inligting van die VSA se geologiese raad dui daarop dat Donderdag se aardbewing digby die Sawoti-polisiestasie in Coolgardie in KwaZulu-Natal plaasgevind het. Die aardbewing het volgens dié raad 10 km onder die oppervlak voorgekom en is ook in Lesotho gevoel.
Tommy Odendaal, ʼn inwoner van Margate, sowat 134 km suid van Durban, sê hy was tuis toe die aardbewing die huis geskud het. Odendaal werk in die sekuriteitsbedryf. “Ek het voor die TV gesit en die volgende oomblik voel ek net alles bewe. Die muurhorlosie het ook snaaks begin lui. Ek het gedink daar was ʼn ontploffing en het buitentoe gegaan.
“Dit het ook gelyk of die see uitgeswel het, my hek is baie naby aan die see,” sê hy.
Konst. Roeshiela Shozi van die Sawoti-polisiestasie vertel aan Maroela Media dat hoewel die aardbewing hulle laat skrik het, was dit nie so erg nie, omdat niemand seergekry het en daar geen skade aan geboue was nie.
Die was n baie scary oomblik gewees. Die hele Durban get geruk. Ek was op daardie oomblik in my kar by die werk. Dit gevoel of iemand fisies my kar rond skud.
Kom nou CR. Stel ‘n ondersoek span aan met ‘n kommissie wat kan voorleggings doen om ‘n herhaling van die aardbewing te voorkom. Dit sal mooi aansluit by die werkspakkie van die span wat weerligsterftes ondersoek het so ‘n paar jaar gelede.
Ek dog dis ‘n trein wat verby kom, tot ek voel dat hy deur my lyf wurm! Dit was eintlik awesome, maar scary!
Nee jy is verkeerd……dis die DA wat verby gekom het????????
Het op my bank in sitkamer gesit toe ek net voel hier beweeg die bank en alles wat hang ruk en swaai rond was eintlik scary
Hy moet hier by seweto draai hy is op die verkeerde plek
Dit was ongeveer hier by 13:25. Ek het die oorfone aangehad en musiek geluister toe ek skierlik voel hoe die huis skud en ‘n harde dreuning bokant die oorfone hoor. Ek dog ‘n helikopter het geweldig laag gevlieg bokant ons huis en buitentoe gehardloop in die reen en gekyk of dit nie op ons dak geval het nie. My man was onder en hy dog dis ‘n padskraper wat verby gery het en so raas. Hy se ook hy het gehoor die dreuning kom uit die aarde uit. Maar die padskrapers maak ook ‘n geweldig dreuning as hy die teerpad afkom en draai in die grondpad in. Eers toe ek my buurvrou vertel wat ‘n kilo van ons af werk, se sy hulle het ook by die werk dit gevoel. Toe weet ons dit was ‘n aardbewing. Later nuus gekry dat Harding en Pennington dit ook gevoel het en baie ander plekke. ‘n Vriend uit Japan se as die huis heen en weer skud is dit nie gevaarlik nie, maar as dit op en af skud gaan jy heelwaarskynlik dood wees.
Ek dink nou net daaraan. Miskien is die Sjinese se R116 miljard sodat hulle ondegrondse kertoetse han doen. LOL.
die Bybel se julle sal hoor van oorloe, en gerugte van oorloe, aardbewings ens. Ons is defnitief in die eind tyd, Jesus is op pad. Dit is iets wat nou nie meer ver is soos mense jare gelede gese het nie.
Dit was regtig scary, en glandnie n lekker gevoelentheid nie.