Aberdeen-plaasmoord: Man ondervra

Argieffoto: Reint Dykema

Argieffoto: Reint Dykema

Die polisie in die Oos-Kaap het bevestig dat iemand ondervra word in verband met die moord op die 75-jarige Schalk Featherstone.

Ao. Wessel Cronje, woordvoerder van die polisie, het die nuus aan Maroela Media bevestig. Geen verdere besonderhede is bekend gemaak nie en die ondersoek duur voort.

Maroela Media het vroeër berig Featherstone is Donderdagaand koelbloedig in sy huis doodgeskiet. Hy het alleen op die plaas gewoon. “Sy liggaam is vermoedelik deur een van die bure in sy huis aangetref. Hy is ses keer in sy bolyf geskiet,” het Cronje vroeër gesê.

Featherstone kon daarin slaag om iemand te bel om hulp te ontbied voordat hy dood is. “Volgens die inligting wat sover beskikbaar is, was daar omstreeks 21:00 ʼn klop aan die deur en hy het die deur oopgemaak. ʼn Enkele verdagte was by die deur en het hom geskiet. Hy kon iemand bel voordat hy finaal doodgeskiet is. Die presiese verloop van gebeure word nog deur die polisie ondersoek,” het Cronje gesê.

Lees meer hier.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Winston ·

Het groot geword voor oom Schalk. Dis tragies man. Gee die gemors vir my en ondervraging sal nie nodig wees nie. Vee die skuim van die aarde af.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.