ACDP-leier boos oor Ramaphosa-uitlating

Die ACDP-leier, Kenneth Meshoe. Argieffoto: ANA

Die leier van die ACDP sê pres. Cyril Ramaphosa se beweerde stelling dat geen boere vermoor word nie, is “ʼn nasionale skande” waarvoor hy die boerderygemeenskap verskoning moet vra.

“Pres. Cyril Ramaphosa het die meeste van ons wat hom vertrou het, teleurgestel toe hy ontken het dat grondgrype in Suid-Afrika gebeur en met sy ontkenning dat boere vermoor word,” het Kenneth Meshoe Saterdag gesê.

“Hoe kan ons iemand vertrou wat blatant vir die wêreldgemeenskap lieg?” wou Meshoe weet. “Dit is ʼn nasionale skande. Ons doen ʼn beroep op hom om die boerdery gemeenskap verskoning te vra.”

Hy sê die ACDP is diep teleurgestel in Ramaphosa se stelling tydens ʼn onderhoud met die Verenigde Nasies in New York in reaksie op pres. Donald Trump se omstrede twiet in Augustus rakende boere in Suid-Afrika.

Die jongste misdaadstatistieke van die SAPD dui op skokkende vlakke van misdaad en geweld in Suid-Afrika met 19 016 moorde wat van April 2016 tot Maart 2017 aangemeld is. In dieselfde tyd is 62 moorde op plase aangemeld, waarvan 52 op eienaars of bewoners van plase was. Meshoe sê dit weerlê die president se uitlating.

“Al probeer die presidensie die opmerking wegpraat en voer hulle aan die president se woorde word verdraai, bly die uitlating uiters teleurstellend,” sê Meshoe, “en getuig dit van ʼn gebrek aan simpatie met die families van boere en plaaswerkers.”

Hy sê benewens die moorde is baie boere en hul gesinslede wreed aangerand en selfs mishandel. Die posttraumatiese skade aan die gesinne van vermoorde boere en plaaswerkers, asook dié wat wrede aanvalle oorleef het, is onberekenbaar.

Meshoe het Agri SA aangehaal wat bereken boere het in 2017 sowat R7,7 miljard weens misdaad op plase verloor. Hy meen dis totaal onaanvaarbaar.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

74 Kommentare

jongste oudste gewildste
jakes

CR wys sy ware kleure. Nes Ashwin Willemse val hy van hero na zero.

Jordaan

Nee man, as jy luister hoe mense soos Pieter du Toit verduidelik, verstaan ons weer nie mooi wat hy eintlik bedoel het nie. Blykbaar is daar een of ander liberale filter wat mens moet gebruik om te luister sodat jy nie dalk dink ons regering lieg nie.

Corne

Net wanneer ek dink erger leuens , korrupsie en wreedheid kan daar nie wees nie … word ek weereens verkeerd bewys.

Herman

Jerry hoe werk die filters

smurfie

En ons dog, Zuma was nie n goeie president nie?…
Wys jou net, be carefull what you wish for…