Ace bring dringende hofaansoek oor skorsing

Ace Magashule, geskorste sekretaris-generaal van die ANC, het Vrydag ’n dringende hofaansoek ingedien om sy skorsing ongeldig te laat verklaar. (Foto: Twitter)

Ace Magashule, geskorste sekretaris-generaal, het Vrydag ’n dringende hofaansoek ingedien om sy skorsing tersyde te stel.

Magashule, wat deur adv. Dali Mpofu verteenwoordig word, voer in sy hofstukke aan dat Reël 25.70 in die ANC se grondwet ongeldig, ongrondwetlik én onwettig is.

Maroela Media het vroeër berig dat diegene wat aangekla is van korrupsie of ander ernstige misdade, en wat nog nie opsy gestaan het nie, ingevolge dié reël geskors moet word.

Magashule staan tereg op verskeie aanklagte van korrupsie en bedrog en is verlede week tydelike geskors nadat hy nie binne 30 dae vrywillig teruggestaan het soos die reël voorskryf nie.

Magashule versoek voorts in hofstukke aan dat sy skorsing opgehef of tersyde gestel moet word en dat hy weer in sy pos aangestel word.

Daar word ook versoek dat alternatiewe, gepaste en regverdige remedies nagestreef moet word.

Magashule eis dan ook dat enige respondent, onder wie pres. Cyril Ramaphosa, Jesse Duarte (die ANC se waarnemende sekretaris-generaal) en die ANC, wat die aansoek teenstaan, die koste daarvan moet betaal.

Die respondente word tot 14 Mei om 14:00 gegun om aan te dui of hulle wel die aansoek gaan teenstaan.

Magashule beweer dat die reël vir sy skorsing selektief toegepas is weens ’n begeerte om van hom ontslae te raak.

“Die werklike motief agter my skorsing is die begeerte om my, op enige manier denkbaar, uit my amp as sekretaris-generaal te verwyder, om die weg vir pres. Cyril Ramaphosa en sy faksie in die volgende nasionale konferensie te baan.

“Ek wil byvoeg dat enige vrese dat ek met die demokratiese proses sal inmeng, misplaas is en onnodig paniek saai,” sê Magashule.

Maroela Media het berig dat Magashule in sy reaksie op die skorsing ’n brief aan Ramaphosa gestuur het waarin hy op sy beurt die president skors.

Die ANC se Nasionale Uitvoerende Komitee (NUK), die party se hoogste besluitnemingsliggaam, het daarom besluit dat Magashule benewens sy skorsing nou ook aan die ANC-gemeenskap en Suid-Afrikaners om verskoning moet vra.

Magashule het nog geen sprak gesprook oor dié verskoning nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

31 Kommentare

JM ·

Magashule se arrogansie skree ten hemele! Wanneer gaan hy finaal in die bek geruk word?!

Jannie van Niekerk ·

Hulle sal hom nie in die bek ruk nie, hy is “Kameraad Magashule” Neewat, ANC staan nie verniet vir Absolute National Corruption nie.

Aai ·

Lyk my die man is mal hy dink hy, kan maak soos hy wil dan moet ons hard werkende mense vir sy spelletjies betaal.Jy kry ‘n lekker salaris sonder om te werk so spandeur dit ‘n bietjie nar.

Persheks Adri ·

Nou pas dit hom om te sê als is ongrondwetlik en ongeldig. Hy’t die vermetelheid om tyd te gee vir ‘n antwoord gggmmmfff. Hoop ons raak ontslae van hom

Jannie van Niekerk ·

Dit is verstommend hoe die ANC en EFF dink dat misdaad wat deur swart mense gepleeg word nie as misdaad beskou mag word nie.

LANA is ELANè ·

Grap van die jaar, hierdie sirkus wat ons land beheer en beslis nie nawense bestuur nie. Hulle is meer in die hof as op enige ander plek om onderlangse politiek en skorsings te regverdig of nie te regverdig nie. So siek om alewig van dieselfde “same old same” se gesigte oral te moet sien.

gatgogga ·

Daar word van ‘n kader, wat krimineel aangekla word, verwag om sy pos te verlaat totdat ‘n hofbeslissing die saak besleg. Maar dit gaan nie werk nie, dis onrealisties in Suid Afrika. Die ANC sal dit nie kan handhaaf nie.
Die rede is dat dit doodeenvoudig te lank neem om ‘n hofbeslissing te kry.
Eerstens neem dit die vervolgingsgesag jare om ‘n klagstaat op die been te bring.
Daarna is ons howe maar te gretig om uit te stel, en weer uit te stel, vir die geringste rede.

Wielspore ·

Ek hoop van harte dat die koste vir die appél uit sy eie sak gaan kom en dat die belasting betaler nie daarvoor betaal.
Na my mening is dit die begin van die einde van die pro Zuma faksie binne die ANC.
You have overstayed your invite, please vacate your seat!

Vernon ·

Kyk …hierdie manne aanvaar niks. Hulle betree elke moontlike hof,aanvaar net nooit skuld nie.

Klipkop ·

Die “struggle” vir mag en geld van SA se voormalige terroriste en bandiete duur onverpoosd voort. Dit kan dalk binnekort weer ‘n bloedspoor los.

Pieter ·

Ou adoons hulle sal nooit leer nie hulle land ons belasting geld. Hier in ANC land gaan dit lekker voetsek die hele lot van julle.

Anoniem ·

So graag as wat ek Magashule wil sien boet vir sy dade, moet ek toegee dat die ANC se “opsystaan reël ” ondergeskik is aan die Grondwet wat dit duidelik stel dat iemand onskuldig is totdat hy/sy skuldig bevind is. Die ANC moes hom eerder geskors het uit die party, maar is te bang hy blaas die fluitjie op hulle.

Spook ·

Ek dink weer NIE so nie. Dis ‘n privaat organisasie wat hom skors. Hy beklee nie ‘n amp in die openbare sektor nie. Die ANC vra hom bloot om opsy te staan totdat hy moontlik in ‘n hof as onskuldig bewys sou word. Dit is ‘n baie billike versoek. As hy moontlik onskuldig bevind sou word, kan hy mos onmiddelik weer aangaan met sy pligte in die organisasie.

Dries ·

Die verskil tussen die vorige blanke regering en die ANC is darem so duidelik soos daglig.. as daar sulke aanklagtes was teen enige MP of minister in die ou regering was sou hy uit eie wil bedank het. Integriteit was baie meer belangrik. Hierdie gespuis het maar net nie integriteit nie

Sarel ·

Zuma het hom mooi geleer….ANC versus ANC. Dali Mpofu …..lyk my hy is permsnent indiens maar die Respondente salnou iemand anders moet soek. Vraag is die reel was ingestel terwyl hy Sekretaris Generaal was

jzjz05 ·

Hy het n leermeester by name Zuma, nou as dit vir Zuma werk glo dit gaan vir hom ook werk. en ek glo hy is nie verkeert as hy so dink nie al is dit net om tyd te wen..Hoop die ANC leer n les dat om iemand se stert te lek nie werk nie FIRE HOM so eenvoudig soos dit

JohanR ·

En hier begin dit. Alles sal finaal October 2025 afgehandel wees, waaneer onse Ace nou deur al die hofe gegaan het. Is die hofsake met belastingbetalers se geld of betaal Ace uit sy eie sak?

Leon ·

Dis n saak tussen die ANC en Ace, nié die regering nie. Ace M is nie n regeringsamptenaar nie.

Kobus ·

Agbare Ace. Ek is bietjie stadig van begrip. U was sekerlik deel van die opstel van julle “Grondwet” of hoe? So,ek aanvaar dat u dit sou toepas soos dit u behaag maar noudat uself skuldig staan nou wil u die hof se tyd mors. Waar kry julle al die geld om aan hofsake te spandeer? Doen tog nou eenmaal die eerbare ding en verdwyn

Jakes ·

Presies Ace, hulle wil en moet van jou ontslae raak. Wonder hoekom lol?

Spook ·

Ou Ace, ek dink nie dis net om jou uit die weg te ruim om vir ‘n ander faksie plek te maak nie. Ek dink dis omdat jy is ‘n opperste skelm is. Geen ander rede nie.

Gert K ·

Gister gelees hulle noem sy gadrag “megalomaniac” en toe die definisie daarvan opgesoek :

“A megalomaniac is a pathological egotist, that is, someone with a psychological disorder with symptoms like delusions of grandeur and an obsession with power. We also use the word megalomaniac more informally for people who behave as if they’re convinced of their absolute power and greatness.”

-Lyk vir my beskrywend genoeg.

Adam Adriaan ·

Hoe gouer hierdie knaap en sy meelopers uit die samelewing verwyder word hoe beter vir SA

Andre ·

Ek kry die man jammer. Hulle hanteer hom asof hy ‘n blanke is, en dit terwyl hy een van hulle is.

Nico ·

Ace Magashule vat sommer die hele ANC regering saam met jou sodat ons in rus en vrede kan lewe.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.