Adjunkhoof vermoor toe hy siek meisie huis toe neem

Dr. Anton Diedericks. Foto: Facebook

Dr. Anton Diedericks. Foto: Facebook

Dr. Anton Diedericks (57) is Dinsdagmiddag vermoor nadat hy ʼn siek leerling by haar huis gaan aflaai het.

Zandra Duvenhage, hoof van die Academy Private School in Kuilsrivier in die Wes-Kaap, het gesê Diedericks, adjunkhoof by dié skool, het die leerling by haar ouerhuis in Mandalay gaan aflaai aangesien sy siek gevoel het.

“Dit was nie een van sy pligte nie, maar dit wys net watter tipe mens hy was. Hy het hierdie laaste goeie daad uit eie inisiatief gedoen en het nie vir een van die ander personeellede gesê hy gaan dit doen nie, hoewel die leerlinge in die klas en die meisie se ouers daarvan geweet het.”

Volgens konst. Noloyiso Rwexana, woordvoerder van die polisie, is die polisie omstreeks 13:10 na ʼn misdaadtoneel op die hoek van Dickensrylaan en Sierraweg in Mandalay ontbied. “Met die beamptes se aankoms op die toneel is ʼn man met ʼn skietwond aangetref.”

Diedericks is vermoedelik tydens ʼn mislukte kaping doodgeskiet en die polisie ondersoek ʼn saak van moord. Niemand is al in hegtenis geneem nie.

Duvenhage het gesê die skool is geskok en baie hartseer oor Diedericks se dood. “Hy was nie net ʼn geliefde onderwyser nie, maar ʼn pa-figuur vir baie van ons kinders.”

Volgens Duvenhage het die skool berading gereël vir die kinders.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Elsa

Hoekom nie haar ouers in kennis gestel nie. Van waanneer af vat n onderwyser en dies te meer n hoof n kind huistoe, Vra maar net. Innige simpatie met famielie

Jean

Ek het nie meer woorde vir hierdie onsinnige moorde nie. Sterkte aan sy familie en vriende in hierdie tyd van rou!

D.B.

Gee nie om waar jy in die land bly nie is jy nie veilig nie. Dis ‘n blerrie skryende skande hoe die land verval het tot ‘n misdaad hoolnes waar ‘n lewe net niks meer beteken nie. Doen jy iets uit die goedheid van jou hart word ‘n mens selfs daaroor ook vermoor. Die patetiese lafaard regering doen net mooi niks om misdaad aan te spreek nie.

Jakobus

Nou waar is Mandalay in die Kaap geleë?

Chantelle

Hy was n baie goeie mens en onderwyser. Hy het altyd sy leerlinge eerste gestel. Hy het n goeie hart. Dit is baie erg wat hier gebeur het. Hy sal gemis word!!!