Adjunkpresident wis niks van ondersoek teen hom

Adjunkpres. David Mabuza (17 Julie 2019). (Foto: Jairus Mmutle/GCIS)

Die kantoor van die adjunkpresident sê hy neem kennis van mediaberigte van die inhegtenisneming van 11 persone, insluitend ʼn huidige lid van die parlement, Bongani Bongo, vir beweerde bedrog tussen 2011 en 2012 in Mpumalanga.

“Alhoewel die adjunkpresident bevestig dat die beweerde gebeure plaasgevind het toe hy premier van die provinsie was, ontken hy ten sterkste enige betrokkenheid. Hy veroordeel enige poging om sy naam op enige manier by die misdade te betrek, wat tans ondersoek word,” het Matshepo Seedat, woordvoerder vir adjunkpres. David Mabuza, gesê.

“Die adjunkpresident is nie bewus van enige ondersoek teen hom, soos in mediaberigte aangevoer word nie. Hy sal sy volle samewerking gee aan wetstoepassers indien daar enige vrae ontstaan waarop hy moet reageer as die persoon wat in daardie stadium verantwoordelik was vir die provinsie. Die adjunkpresident verwelkom die vordering wat gemaak word deur die spesiale ondersoekeenheid (SOE) se ondersoek oor die kwessie van Mpumalanga-grondaanskaffings,” het Seedat bygevoeg.

Mabuza het gesê hy verwelkom vordering wat wetstoepassers maak in die stryd teen korrupsie.

Hy doen ʼn beroep op die publiek om die reg toe te laat om sy gang te gaan sonder dat hulle verhinder word, en dat persone hul ondersteuning aan wetstoepassers sal gee deur enige getuienis en bewyse te oorhandig waarvan hulle bewus is sodat die ondersoek bespoedig kan word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

6 Kommentare

jongste oudste gewildste
Hennie

ANC, grootste kriminele organisasie ter wêreld!

Yvonne

Sjo hoe nou….het hy n engel geword….daar is heelwat verborge dinge wat dalk ontdek gaan word

Hennie J

Hier staan ek voor julle, feitlik onskuldig.

annie

Afrikaans bly maar die beste taal ter wèreld. Kyk bv na die woord ‘wis’. Dit is ‘n towerwoord sowaar. Die adj-pres wis niks en die afleiding ‘wisser’ sal uiteindelik sy redding wees. So maklik soos dit. Wissers is een van ons grootste produksie-lyne en uitvoerprodukte.

Jakes

Het hy n idee waar hy is