Prokureur steel glo miljoene by POF

Argieffoto

Argieffoto

ʼn Voormalige prokureur wat in eise teen die Padongelukkefonds (POF) gespesialiseer het, het Woensdag in die gespesialiseerde kommersiële misdaadhof in Bellville verskyn.

Eslin Frank Meyer (59) het onskuldig gepleit op aanklag van diefstal en die versuim om behoorlike  rekeningkundige rekords te hou. Hy word daarvan beskuldig dat hy meer as R6 miljoen gesteel het van POF-eisers en bestorwe boedels.

Meyer se saak is tot 23 Junie uitgestel en sy borgtog van R10 000 is verleng. Volgens die klagstaat is Meyer vyf jaar gelede deur die Kaapse Wetsgenootskap verbied om te praktiseer nadat 61 eise ten bedrae van R6 441 657 by die Getrouheidsfonds vir Prokureurs ingedien is.

Die staatsaanklaer voer aan dat Meyer die geld wat deur die POF oorbetaal is vir homself gehou het sonder om eisers in te lig dat die POF uitbetaal het. Hy het glo ook net gedeeltes van eise aan ander eisers uitbetaal en die oorblywende geld vir homself gehou.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

26 Kommentare

jongste oudste gewildste
Wat-ek-lees

Slim vang altyd sy baas.

Voorlaaier

Hy is di ongelukkige een wat hulle gevang het!
Die res loop nog vry rond en steel geld van slagoffers

DPJ

Ja, all is die leun hoe snel die waarheid agterhaal hom wel.

Winston

To educate a person in the mind and not in morals, is raising a menace to society.

André

Hy is ‘n prokureur, nie ‘n advokaat nie.