Die Tshwane-metroraad het met ‘n aggressiewe veldtog begin om wanbetalers in die stad voor stok te kry. (Foto: Tshwane-metroraad/Twitter)
Die Tshwane-metroraad het ʼn “aggressiewe” en ongekende skuldinvorderingsprogram van stapel gestuur om agterstallige skuld in te vorder. Amptenare het vandeesweek begin om wanbetalers, waaronder hotelle, winkelsentrums en verskeie staatsdepartemente, se dienste op te skort.
Tshwane se skuldboek staan tans op R17 miljard weens staatsdepartemente, ambassades, sakeondernemings, voorstedelike inwoners en ander entiteite se versuim om vir hul munisipale dienste te betaal. Die skuld maak dit moeilik vir die stad om sy verpligting na te kom om noodsaaklike en basiese dienste aan inwoners te lewer.
Today, 09 Feb 2022, the City will continue with its aggressive and unprecedented revenue-collection campaign by disconnecting services to customers whose accounts have been in arrears for more than three months.
Do the right thing#CoTRevenueCollection#TshwaneYaTima pic.twitter.com/AJhgitJNOZ— City of Tshwane (@CityTshwane) February 9, 2022
Die metroraad sê nadat sy herhaalde pleidooie aan klante om hul munisipale rekeninge betyds en ten volle te vereffen op dowe ore geval het, het die stad begin met ʼn veldtog om sy skuld in te vorder deur die krag af te sny. Daar is begin met ondernemings en staatsdepartement in die middestad, Sunnyside en dele van Centurion wie se rekeninge agterstallig is.
Inwoners in woonbuurte skuld die stad sowat R8 miljard, sakeondernemings skuld R4 miljard en staatsdepartemente en ambassades sowat R1,3 miljard.
Tshwane ga e fele moya! #TshwaneYaTima! Now at the Commercial Crimes Court. They are owing us R 2,2 million for electricity. #CoTRevenueCollection pic.twitter.com/L2xh1yufbG
— City of Tshwane (@CityTshwane) February 9, 2022
Beamptes van die Tshwane-metropolisie vergesel amptenare wat nutsdienste afsny.
Van die ondernemings wie se krag afgesny is, is die bekende Sheraton-hotel, wat die metroraad R23 miljoen skuld, en die Morning Star Express Hotel, wat die stad R573 667,86 skuld.
“Die Sheraton-hotel is in duisternis gehul,” het ʼn twiet van die Tshwane-metroraad gelui.
We mean business! Sheraton Hotel in the dark. Make arrangements to pay your account before you find yourself in the dark. Sheraton Hotel is owing us R23 million. #TshwaneYaTima pic.twitter.com/a14kUfBASQ
— City of Tshwane (@CityTshwane) February 9, 2022
ʼn Gebou van die departement van water en sanitasie se agterstallige skuld beloop R1,3 miljoen en dit is afgesny, terwyl die Club Crossing-winkelsentrum se skuld R2,4 miljoen vir water en elektrisiteit beloop.
Die Ditsong-museum is voor stok gekry oor sy agterstallige skuld van net meer as R294 000, terwyl die vloot se hoofkantoor – weens agterstallige eiendomsbelasting van R3,1 miljoen – se krag ook afgesny is.
Die Lyttelton-winkelsentrum was gister reeds in die pekel oor sy skuld, terwyl Tacora Investments wat onder meer die Lakeview-sentrum in Centurion bestuur, ʼn boete van R620 000 opgelê sal word nadat daar glo met die stad se infrastruktuur gepeuter is.
[HAPPENING NOW] The City’s debtors book currently stands at over R17 billion with national government departments, embassies, businesses and residents failing to pay. The City is now disconnecting services to all. #CoTRevenueCollection #TshwaneYaTima @CityTshwane pic.twitter.com/8l9FQDX5Bo
— Executive Mayor, Randall Williams (@tshwane_mayor) February 9, 2022
Volgens die stad gaan hy volgende week op komplekse en landgoedere konsentreer, voor hy sy visier op woonbuurte gaan stel.
Dis hoog tyd!
Die gewone huiseienaar dra al vir jare die las. Genoeg is genoeg.
wanneer begin julle by johannesburg asb
En wat van die rekeninge wat NOGSTEEDS verkeerd is en GEEN poging van COT om dit reg te maak nie. Verwag julle nou wraggies `n huishouding moet R1 miljoen betaal en later sal julle regstellings maak????? Nee, eers wanneer COT hulle rekeninge uitgesort het, kan mense sê dis hoog tyd, maar beslis nie soos dit nou staan nie
Mooi so. Roer hulle.
Begin by Soweto
Johannesburg daai, nie Tshwane nie
Ek hoop julle maak in Soweto ook n draai, met al daai onwettige konneksies, waarvoor on betaal
Sal goed wees ja! Maar hierdie is ‘n Tshwane initiatief, nie Joburg nie. Maar hopelik spring hulle wakker in Jozi ook.
100% reg so! Wanbetalers veroorsaak dat die hele land swaarkry met kragvoorsiening! Moenie reëlings tref nie, dring aan op volle betaling! Die res van SA is moeg van swaarkry!
Dit is ‘n optrede in die regte rigting.Hulle kan gerus die woongebied onder een kam skeer want hulle skuld ook miljoene maar het die mentaliteit van “ons is gratis dienste belowe”Ek hoop die geld word aan eskom oorbetaal en dit gaan nie ANC werkers se salarisse betaal nie.By ons word die rekeninge deur konsultante in Durban gedoen.Ons kry die maand se rekening eers die 21ste van die volgende maand.
As ek R100. 00 agterstallig word my krag afgesny. Hoe kan staatsdepartemente weg kom met sulke hoë bedrae, om nie eens van ambassades te praat nie! Maak bietjie die name bekende van daardie lande. As dit ‘n Suid Afrikaanse ambassade in die buiteland is wat so iets sou doen, sou die land of regeting al lankal aan gevat gewees het. Doen dieselfde met hulle. Om nie eens van winkelsentrums te praat nie. Of gewone huishoudings. En hier speel rassisme openlik ‘n rol. Drie bevolkings groepe se krag word afgesit maar die in die oorwegend swart buurts nie. Maar nou ja. Ek sal graag wil sien hoe hulle dit gaan laat realiseer sonder betogings!!!!
Daarsy en moes lankal gebeur het. Hoekom moet handjie vol mense die hele land dra. Nou sal hulle vinnig geldjies uitkrap wat nie gedink het bestaan nie.
Vat die skuldiges vas! As myne 10 dae laat is ontvang ek dreigbriewe. Dit gaan so sleg in hierdie Metro daar is nie eers geld om stukkende waterpype reg te maak nie. Skandelik dat plekke wat deur die hoi poloi bestuur word soos die Sheraton nie hulle skuld kan betaal nie.
Dit moes lankal gedoen gewees het, nou gaan hulle weer toi toi en alles afbrand.
Shamepies. Only in Africa…! Alles gaan oor korrekte bestuur.
Mooi so Tswane vir hierdie kragdadige optrede. Gewone burgers se krag en water word summier afgesny indien hul wanbetaal. Wys die cANCer hoe dit gedoen word.
Johannes Kerkorrel het mos lánk-al gesing oor “Sit dit af …”!
Dis nou n ‘feel good story’
Hulle moes dit al lank terug begin doen het, skuld is nou te hoog, hulle sal dit nie kan betaal nie. Die balju gaan nou moet begin op skryf.
Wie leer Eskom nou ‘n lessie; hulself of vir die kwaaddoeners en beswaardes? Ons land is glo ‘n groot uitvoerder van koper terwyl ons nie kopermyne het nie.
LW, dit is nie Eskom se aksies nie maar Tshwane Metroraad s’n!
Mooi storie!
Wat gaan met Soweto gebeur na sy groot bedrag wat agterstalig is, natuurlik gaan niks met Soweto gebeur nie, Eskom is mos bang vir die inwoners van Soweto.
Tshwane wat dit doen, nie Eskom nie.
Diegene wat hier vinnig kommentaar lewer oor mense wat afbetalings ooreenkomste sluit, moet onthou dat baie mense tans swaarkry weens die dom besluite van die regering met al die inperkings. Party van ons het suksesvolle besighede bedryf wat moes toemaak of baie afskaal. So inkomste is ook baie minder. As julle dan soveel het om in die posisie te wees om te kla, maak dan donasies asb in n fonds om diegene wat nie kan nie te help.
Die DA wys ook hul ware kleure, hoop al die DA stemmers sien wat ons voorland sal wees indien hulle eendag regkry om oor te neem. Hulle stel nie belang om die inwoners by te staan wat sukkel nie, hulle probeer punte score deur te wys hulle is nou in beheer en gaan dit sogenaamd beter maak.
Hoekom nou eers? 27 jaar te laat.
Wat is daardie nuwe woord teen die einde: ‘lanere’?
Dagsê Veens
Dankie vir jou kommentaar.
Dit was ‘n spelfout aan ons kant.
Die artikel is intussen gewysig.
Groetnis,
Janice,
nms Maroela Media