Afgedankte polisievrou mag ná jaar lange stryd terugkeer werk toe

(Foto: Verskaf deur Solidariteit)

Honderde polisiebeamptes het Donderdag hul steun by ʼn mediakonferensie in Bellville in Kaapstad aan genl.maj. Renee Fick getoon waar Solidariteit aangekondig het dat sy, ná ʼn geveg van byna ʼn jaar teen haar onregmatige afdanking in haar pos by die SAPD, mag terugkeer en terugwerkend vergoed moet word.

Dit volg nadat die provinsiale kommissaris Fick in 2017 vals van pligsversuim beskuldig het en aan haar ʼn skriftelike waarskuwing uitgereik het.

Fick het egter besluit om nie die vals klag teen haar te onderteken nie, waarna die kommissaris dissiplinêre stappe teen haar gedoen en haar summier afgedank het. Solidariteit het haar daarna bygestaan om haar onregmatige afdanking te beveg.

Volgens Francois Redelinghuys, woordvoerder van Solidariteit, het hierdie oorwinning geregtigheid vir ʼn getroue en lojale polisielid van oor die 39 jaar laat geskied en stuur dit ʼn boodskap van waagmoed uit.

“Generaal-majoor Fick het bloot haar werk behoorlik gedoen. Sy het inteendeel uit haar pad gegaan om te probeer verseker dat haar afdeling funksioneel bly en daarvoor is sy afgedank,” het Redelinghuys gesê. “Generaal-majoor Fick se storie eindig egter nie hier nie. Haar geveg teen ongeregtigheid en kanniedood-ingesteldheid om uiteindelik te seëvier, stuur ʼn duidelike boodskap aan die SAPD dat daar mense is wat bereid is om teen ongeregtigheid op te staan.”

 

(Foto: Verskaf deur Solidariteit)

Volgens Redelinghuys is Fick se storie een wat soveel polisielede raak. “Gemeet aan die ondersteuning wat generaal-majoor Fick vandag hier ontvang het, wys dit dat daar, nes Fick, baie getroue en hardwerkende polisielede is wat daagliks in uiters moeilike omstandighede moet werk.”

Redelinghuys het gesê polisielede is deel van ʼn sisteem waar hulle dikwels geboelie en dan onderdruk word. “Ons sal egter nie gaan lê nie. Ons sal bly veg teen vergrype en onregmatighede waaraan getroue werknemers van die SAPD daagliks blootgestel word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
Cherokee

Wonderlike nuus! Geluk Renee! Geluk Solidariteit! Belangrike vraag wat gevra word is wat word gedoen omtrent die vals klag gelê deur die provinsiale kommissaris.

Anni

Dankie solidariteit, en Geluk aan me Fick. Jy is vd min lede Wat opstaan en geregtigheud laat vier.

Geregtigheid

Ek hoop sy stel ‘n siviele eis in teen die vals klaer.

Gert van Wierdapark

Noem asb die naam van die vals klaer – die sg. provinsiale kommin-saris. Wie is hy en waar is hy tans ontplooi of ontrimpel?

Jan Alleman

Baie geluk met die vasbyt teen die onregmatige boelie taktiek. Die kersie op die koek sal wees as die boelie van sy eie medisyne kan kry soos die verhaal van Haman en Malgisedek.