Afgetrede akademikus se lyk in plaashuis gevind

Argieffoto: Reint Dykema

Argieffoto: Reint Dykema

Die liggaam van ʼn bejaarde man is Sondag op ʼn plaas naby Rustenburg in Noordwes aangetref nadat hy vermoedelik dae vantevore in sy huis vermoor is.

Sers. Kelebogile Moleko, woordvoerder van die polisie, het aan Maroela Media gesê dr. Steyn Steenekamp se liggaam is op sy plaas in Rietfontein naby Mooinooi op die vloer van sy huis gevind. Hy is vermoedelik verwurg en met ʼn ysterstaaf oor die kop geslaan. Sy hande en voete was ook vasgebind.

Daar was geen tekens van gedwonge toegang tot die huis nie, het Moleko gesê. Sy kon nie bewerings dat Steenekamp se bakkie gesteel is, bevestig nie en het gesê dit moet eers deur Steenekamp se naasbestaandes bevestig word.

Steenekamp, ʼn bekende sosioloog wat jare lank by die Raad vir Geesteswetenskaplike Navorsing gewerk het, sou Dinsdag 76 jaar oud geword het.

Moleko het gesê Steenekamp se liggaam is gevind deur mense wat melk gaan aflewer het. “Sy liggaam het reeds begin ontbind en die ondersoekspan vermoed dat hy tussen ʼn week of twee weke gelede al vermoor is. Die nadoodse ondersoek sal ʼn meer presiese aanduiding kan gee van die tyd en oorsaak van sy dood,” het sy gesê.

Ds. Nicolaas Steenekamp, Steyn se seun, het aan Maroela Media gesê dit is nog nie duidelik wat die omstandighede rondom sy pa se dood was nie. “My pa en stiefma het tussen hul huis in Pretoria en die plaas beweeg, so my pa was van tyd tot tyd alleen op die plaas,” het hy gesê. Hy het gesê inligting wat oor sosiale media versprei word, is meestal bespiegeling, aangesien die familie nog nie alle inligting vanaf die polisie ontvang het nie.

“Ons drie broers woon oor die land versprei en sien mekaar vanmiddag [Maandag] vir die eerste keer vandat ons die nuus ontvang het. Ons sal dan eers kan praat en begrafnisreëlings bespreek,” het hy gesê.

Nicolaas het sy pa as ʼn beroepsakademikus beskryf, wat altyd beredeneerd en kalm opgetree en die groter prentjie raakgesien het. “Hy het absoluut op alle vlakke na God se skepping omgesien,” het hy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
DPJ

Nog ‘n plaasmoord. Statitieke styg nou skerp.
Waar is die peroritiseering van plaas moorde nou?
Moet ons nou wag tot die beeste huistoe kom?

Liewe heksie

O genade my Vader aan my volk ons moet ons op GOD vestig want ons word een vir een nou uitgemoor

Janet

Hoe het geen kind of di oom se vrou met hm vi 2 weke ni kontak gemk ni het niemand eers vermoed da is fout ni

Willie Paterson

Wanneer is genoeg dan nou genoeg. Dit kan mos nie so aangaan nie.

ZAR

vandan plaasaanvalle nou as preoriteits misdaad verklaar is, dink ek die aanvalle het toegeneem?