Afgetrede prokureur in Kleinmond vermoor

(Argieffoto)

Die polisie in die Wes-Kaap ondersoek ʼn saak van moord ná ʼn 71-jarige man in Kleinmond doodgeskiet is.

Sers. Noloyiso Rwexana, woordvoerder van die polisie, het gesê beamptes was Dinsdag op patrollie toe hulle ʼn Porsche met twee insittendes voorgekeer het. “Hulle het ʼn voorlopige ondersoek gedoen en bepaal die motor is by ʼn huis in Kortstraat gesteel. Hulle het verder ondersoek ingestel by die huis en die slagoffer dood aangetref. Hy het ʼn skietwond gehad.”

Die twee verdagtes is in hegtenis geneem en sal binnekort in die hof verskyn.

Maroela Media verneem die man was ʼn afgetrede prokureur en sakeman in Kleinmond.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Juffrou

Wat gaan aan in dié land? Boewery, rampokkerry en moord vier hoogty. Totale anargie as jy my vra.

Hennie J

Jammer om dit sommer prontuit te se, maar meng jou met die semels…………………..

Annette

Kan iemand meer inligting gee asseblief.

Kotze

BEWUSTELOSE MENSE REGEER DIE LAND!!!!!